Мыңшейіт төмпешігі

Мыншеит – Қазақстанның оңтүстігіндегі төмпешік. Ол қасіретті тарихтың куәсі саналады. Аңыз бойынша, 670 жылы бұл жерге мыңдаған араб миссионерлері келген. Олардың нақты саны белгісіз: кей деректерде 10 мың, енді бірінде 15 мың деп айтылады. Олар мұнда ислам дінін тарату мақсатында келген екен. Алайда жергілікті тайпалар бөгде жұртты аса ықыласпен қарсы алмаған.

Арабтардың басшысын Мырсеит деп атаған. Ол осы жерде жергілікті бір қызды кездестіріп, оған ғашық болады. Қыздың әкесі қызын Мырсеитке тұрмысқа беруге келіседі, бірақ бір шарт қояды: қызы арабтардың осал тұстарын біліп, оны өз туыстарына жасырын жеткізуі тиіс болған.

Мырсеит өзінің әлсіз тұсын әйеліне өзі айтып береді. Оның айтуынша, Құрбан айт намазы кезінде оған да, оның жауынгерлеріне де соғысуға болмайды, тек құлшылық жасауға рұқсат етіледі. Қыз бұл жайында туыстарына хабарлаған.

Аңыз бойынша, Құрбан айт намазы кезінде Мырсеит пен оның сарбаздары құлшылық жасап тұрған сәтте, жергілікті тайпалар кенеттен шабуыл жасап, олардың бәрінің басын шапқан. Солардың ішінде араб қолбасшысы Мырсеит те болған. Аз ғана адам қашып құтылыпты. Солардың арасында Мырсеиттің жүкті әйелі де бар екен.

Біраз уақыттан кейін оның ұлы дүниеге келеді. Ержеткен соң, ол арада көп жыл өткенде Түркістанға қайта оралып, атасынан кек алып, ислам дінін тарату ісін жалғастырған екен.

Бір нұсқа бойынша, бұл жер Мыншеит деп араб қолбасшысы Мырсеиттің құрметіне аталған. Екінші нұсқа бойынша, «Мың шиіт» сөзі Жаратушы жолында қаза тапқан мың құрбанды білдіреді.

Қазіргі кезде бұл жерге туристер көп келе бермейді. Орта есеппен жылына шамамен 200 адам барады. Төбенің маңында мешіт пен үлкен бақ орналасқан.