«ОТАНДАСТАР ҚОРЫ» КЕАҚ-ның МАҚСАТЫ МЕН МІНДЕТТЕРІ ЖӘНЕ ҚЫЗМЕТІНІҢ ТҮРЛЕРІ

Мақсаты

Қоғам қызметінің негізгі мақсаты - шетелдегі қазақтармен мәдени-гуманитарлық қарым-қатынасты нығайту негізінде олардың ұлттық бірегейлігін сақтау және елімізге оралған қандастарымызға ақпараттық қолдау көрсету.

Міндеттері

- шетелдердегі этникалық қазақтармен және отандастармен байланыс орнату;

- шетелдегі қазақтардың ұлттық болмысын, ана тілін сақтауына бағытталған жобаларды іске асыру;

- Қазақстанға оралған этникалық қазақтардың жаңа ортаға бейімделуі мен кірігуіне ақпараттық қолдау көрсету;

- көші-қон және диаспора мәселесімен айналысатын отандық және халықаралық ұйымдармен серіктестік байланыс орнату, тәжірибе алмасу;

Қызметі

• отандастарымыздың, қазақстандық және шетелдік, үкіметтік және өзге де қоғамдық ұйымдар өкілдерінің, ресми тұлғалардың, қоғам қайраткерлерінің қатысуымен құрылтайлар, конференциялар, семинарлар, симпозиумдар, брифингтер, кеңестер, «дөңгелек үстелдер» ұйымдастыру;

• ерікті негізде жеке және заңды тұлғалар, халықаралық және шетелдік ұйымдар ұсынған мемлекеттік емес қаржыға отандастардың білім гранттарын иеленуі мен жобаларын іске асыруына жәрдемдесу;

• қазақ диаспорасы бойынша зерттеу және ғылыми жұмыстар жүргізуге қолдау көрсету;

• шетелдердегі қазақ ұлттық мәдени орталықтарын, қазақ мектептерін әдебиетпен, оқулықтармен, оқу-әдістемелік құралдармен және заңнамалық тұрғыда тыйым салынбаған өзге де әдебиетпен қамтамасыз ету;

• қазақ тілін, салт-дәстүрі мен әдет-ғұрпын меңгеруге жәрдемдесу, сонымен қатар алыс-жақын шетелдерде мәдени және өзге де шаралардың өткізілуіне қолдау көрсету;

• Қоғамның сыйақылары мен марапаттарын тағайындау және беру, отандастарға арналған қайырымдылық шараларын ұйымдастыру, отандастардың меценаттық ниеттерін қолдау;

• қазақстандық және шетелдік бұқаралық ақпарат құралдарымен өзара әріптестік орнату, сонымен бірге Қазақстанға келген этникалық қазақтарды қолдау, бейімделуі мен кірігуіне ақпараттық қолдау көрсету;

• Қоғам қызметі аясында жоспарлар мен бағдарламаларды әзірлеу және бекіту;

• Қоғам мақсаттарына сәйкес келетін жобаларды қолдау және әзірлеу үшін халықтық қаржыландыру (краудфандинг), демеушілік қаражат тарту.