«Är qazaqqa – bır kıtap!» – şetelde tūratyn otandastardy qazaq tılındegı ädebiettermen qamtamasyz etuge, ūlttyq ädebi mūrany nasihattauğa jäne olardyñ tarihi Otanymen mädeni-ruhani bailanystaryn nyğaituğa bağyttalğan äleumettık-mädeni joba.
Aksii 2022 jyly «Otandastar qory» KeAQ men Qazaqstan Respublikasynyñ Ūlttyq akademiilyq kıtaphanasynyñ bırlesken bastamasymen qolğa alyndy.
Jobanyñ negızgı maqsaty – şeteldegı etnikalyq qazaqtarğa qazaq halqynyñ körkem ädebietı, tarihy, mädenietı men ruhani qūndylyqtary turaly kıtaptardy jetkızu, ana tılındegı ädebietterdıñ qoljetımdılıgın arttyru jäne şeteldegı qazaq qauymdastyqtarynyñ mädeni-bılım beru äleuetın qoldau.
Aksiiğa jeke azamattar, qoğamdyq ūiymdar, kıtaphanalar, baspalar jäne basqa da müddelı ūiymdar qatysa alady. Joba aisynda qazaq tılındegı körkem ädebiet, tarihi, mädeni, tanymdyq jäne balalarğa arnalğan kıtaptar qabyldanady. Būl rette kıtaptardyñ jaqsy saqtalğan, paidalanuğa jaramdy küide boluy eskerıledı.
Joba ıske qosylğan alğaşqy kezeñde 5 000-ğa juyq kıtap jinalyp, onyñ 300-ge juyğy şeteldegı otandastarğa taratyldy.
2023 jylğy 19–23 säuır aralyğynda Astana qalasynda ötken VI Euraziilyq halyqaralyq kıtap körme-järmeñkesı – Eurasian Book Fair 2023 aisynda «Är qazaqqa – bır kıtap!» aksiisy ūiymdastyryldy.
Is-şara barysynda 70-ten astam azamat bastamağa qoldau körsetıp, kıtap jinau ısıne öz ülesın qosty. Jinalğan qarajat esebınen «Mazmūndama» baspasynan 30 paiyzdyq jeñıldıkpen 50-den astam kıtap satyp alyndy. Sonymen qatar, baspa tarapynan jobağa qosymşa kıtaptar syiğa tartyldy.
2026 jyly «Är qazaqqa – bır kıtap!» aksiisy öz jalğasyn tauyp, şeteldegı otandastarğa qazaq tılındegı ädebietterdı jetkızu bağytyndağy jūmystar jaña serpın aldy.
«Otandastar qory» KeAQ bastamasymen elımızdıñ öñırlerındegı jergılıktı atqaruşy organdarmen, kıtaphanalarmen jäne baspalarmen yntymaqtastyqty keñeitu, şeteldegı qazaq qauymdastyqtaryna arnalğan kıtap qoryn tolyqtyru boiynşa jūmystar jürgızıldı.
Atap aitqanda, Aqtöbe, Atyrau, Aqmola, Mañğystau, Türkıstan oblystary men Almaty qalasynyñ jergılıktı atqaruşy organdary bastamağa qoldau bıldırıp, qazaq tılındegı ädebietterdı ūsynuğa daiyn ekenderın jetkızdı.
Osylaişa, 2026 jyly aksii aisynda «Otandastar qory» KeAQ-ğa jalpy 379 dana kıtap jetkızıldı.
Jinaqtalğan ädebietterdı Qazaqstan Respublikasynyñ şeteldegı diplomatiilyq ökıldıkterı, qazaq mädeni ortalyqtary men qazaq qauymdastyqtary arqyly şeteldegı otandastarğa kezeñ-kezeñımen jetkızu mäselesı pysyqtaluda.
«Är qazaqqa – bır kıtap!» aksiisy şeteldegı qazaqtardyñ ana tılı men ūlttyq ädebietke degen qyzyğuşylyğyn qoldauğa, qazaq tılındegı kıtaptardyñ qoljetımdılıgın arttyruğa jäne Qazaqstan men şeteldegı qazaq qauymdastyqtary arasyndağy mädeni-gumanitarlyq bailanystardy nyğaituğa bağyttalğan mañyzdy bastamalardyñ bırı bolyp tabylady.