«Отандастар Қоры» КЕАҚ қызметтерінің бірі – талдамалық зерттеулер жүргізу. Қазіргі уақытта бірқатар өзекті тақырыптар бойынша жүргізілген далалық зерттеу жұмыстарының нәтижелері тиісті мемлекеттік органдарға ұсынымдар ретінде жіберілді.

• Бірқатар талдамалық зерттеулер бойынша қысқаша ақпаратты назарларыңызға ұсынамыз:
• Шетелдегі қазақтардың негізгі қызмет түрлерін  зерттеу
• Зерттелген елдер: Ресей, Қытай, Қырғызстан, Өзбекстан, Түрікменстан, Моңғолия, Түркия
• Нәтиже: Зерттеу жұмысының қорытынды есебі 320-дан астам бетті құрайды. Сондай-ақ, этникалық қазақтардың шетелдегі колледждер мен жоғары оқу орындарына түсудің негізгі үрдістері мен олардың жұмыспен қамтылуының салаларын қамтиды. Қорытынды есепте 69 ұсыныстар мен ұсынымдар берілді.
•  
• Қазақстанмен шекаралас мемлекеттердің аумақтарындағы қазақтардың қоныстану тарихын зерделеу
• Зерттелген елдер: Ресей, Қытай, Өзбекстан, Моңғолия, Қырғызстан және Түрікменстан
• Нәтиже: Зерттеу жұмысының қорытынды есебі 290 бетті құрайды. Шетел қазақтарының автохтондық этнос және диаспора ретіндегі қоныстануының тарихи аспектілері, қазіргі уақыттағы әкімшілік-аумақтық субъектілері бойынша қазақтардың шамалық саны қамтылған. Қорытынды есепте 23 ұсыныстар мен ұсынымдар берілді.
•  
• Өзбекстандағы қазақтардың рухани мұрасын жинақтау бойынша ғылыми-зерттеу жұмысы 
• Нәтиже: Музыкалық шығармалар, ауыз әдебиетінің үлгілері және т.б. 116 аса құнды ауыз әдебиеті материалдары видео, аудио, фото форматтарында жазылып, сақталды.
•  
• Эмиграцияға және репатриацияға байланысты Қазақстанның солтүстік өңірлерінің экономикалық даму мәселелері
• Нәтижесі: Зерттеу жұмысының қорытынды есебі 450-ден астам бетті құрайды. Қазақстанның солтүстік өңірлеріндегі эмиграция және этникалық иммиграция (репатриация) процестерінің ерекшеліктері, оның ішінде, репатрианттар арасында жұмыспен қамтылудың салалық құрылымы анықталды. Сонымен қатар, бір репатрианттың оралуына кеткен мемлекеттік шығындар көлемі және оның ұзақ мерзімді перспективада болжамды ықпалының нәтижелері қамтылған. Қорытынды есепте 37 ұсыныстар мен ұсынымдар берілді.