«Jas Qazaq» жазғы этно-лагері шетелдегі қазақ балалары асыға күтетін жобаға айналды. Үш рет ұйымдастырылған шараға 15-ке жуық елден 400-ден аса бала қатысты.

Міндеті: алыс-жақын шеттегі қазақ диаспорасының балаларына тарихи Отаны Қазақстанды көрсету, қазақ тілін, тарихын, қазақы құндылықтар, мəдениетімен тереңірек таныстыру.

Екі апта ішінде балалар тіл курстары, садақ ату, ат үстінде орман экскурсиясы мен басқа да қызықты спорт түрлері және танымдық ойындар үйренеді. Оған қоса киіз үй тігіп үйреніп, домбыра курстарына да қатысады.

Алғашқы лагерь 2019 жыл 10-24 шілде аралығында Астана қаласында орналасқан «Назарбаев зияткерлік мектептері» ДББҰ базасында ұйымдастырылды. Оған Ресей, Өзбекстан, Моңғолия, Түркіменстан, Иран, Тәжікстан, Қырғызстан елдерінен 150 бала қатысты.

Екінші рет лагерь 2022 жылы 17-28 шілде Бурабайда орналасқан «IQanat High School of Burabay» мектеп базасында өтті. Франция, Ресей, Өзбекстан, Моңғолия, Иран, Түркия, Қырғызстан, Қытай елдерінен 84 қатысушы келді.

Соңғы лагерь де «IQanat High School of Burabay» мектебі базасында 2023 жылы 1-14 шілде аралығында өтті. Бұл жолы 8 мемлекеттен (АҚШ, Ресей, Қытай, Өзбекстан, Моңғолия, Иран, Беларусь, Қырғызстан) 176 бала қатысты.

• «Jas Qazaq» жазғы этно-лагерінің әлеуметтік желідегі парақшалары:
• Instagram: @jasqazaq.camp
• Facebook: «Jas Qazaq» жазғы этно-лагері тобы