Қазақ диаспорасына арналған шығармашылық байқаулар



«Отандастар қоры» КеАҚ шетелде тұратын этникалық қазақтардың ана тілі мен мəдениетін ұмытпауы үшін бірқатар іс-шаралар ұйымдастырып келеді. Оның ішінде жыл сайын дəстүрлі түрде шетелдегі қазақ балалары мен жастары арасында өткізілетін шығармашылық байқауларды атап өтуге болады.

  • «Қазақстан – ата-жұртым, қасиетім – ана тілім» атты қазақ тілі мен әдебиеті пәні бойынша Халықаралық олимпиада
  • Отандастар қоры аталған олимпиаданы 2021-2022 жылдары «Дарын» республикалық ғылыми-практикалық орталығымен бірлесіп ұйымдастырды.
  • 2021 жылы 1-20 маусым аралығында қашықтықтан өткізілген олимпиадаға Қытай, Ресей, Иран, Моңғолия, Өзбекстан, Түркіменстан мен Түркиядан 146 оқушы қатысты.
  • 2022 жылы 26 маусым мен 1 шілде аралығында Түркістан қаласында олимпиада он тоғызыншы рет өткізіліп, оған 5 елден 69 қандас оқушы қатысты. Жеңімпаздарға Отандастар қорының жазғы лагеріне тегін жолдама берілді.

 

  • Мерейтойлар аясында ұйымдастырылған 6 шығармашылық байқауларға 17 елден 440-қа жуық адам қатысты.
  • – «Ана тілім-ардағым»
  • – «Абай әлемі»
  • – «Наурыз-бата»
  • – «Қазақстан жүрегімде!»
  • – «Ұлы Дала ұстазы»
  • – «Қазақстан әлем балаларының көзімен»

 

Ұлт ұстазы Ахмет Байтұрсынұлының 150 жылдығына орай 2022 жылғы 25 тамыздан 5 қараша аралығында «Ахмет. Ұлт ұстазы» атты шығармашылық байқау ұйымдастырылды. Байқауға Өзбекстан, Ресей, Моңғолия, Қытай мен Литва елдерінен 118 қандас қатысты. Жеңімпаздар мен жүлдегерлерге Қазақстанға тегін жолдама, планшет, смарт-сағаттар мен электронды кітаптар табысталды.

  • «Ел қазынасы» атты халықаралық байқау
  • Ел қазынасы – ұлты қазақ шетел азаматтарына халқымыздың ұлттық құндылықтарын, тарихын, салт-дәстүрі мен мәдениетін дәріптейтін және тұлғаның өзін-өзі дамытуына, шығармашылық қабілеттерін жетілдіруіне ықпал ететін байқау. Байқауға 30-дан астам өтініш келіп түсті. Жүзден жүйрік атанған жеңімпаздарға бағалы сыйлықтар (ноутбук, смарт-сағаттар және т.б.) табысталды.

 

  • «Jas Qazaq» халықаралық жастар ұйымы ұйымдастырған байқаулар
  • – Әлихан Бөкейхановтың 155 жылдығына орай «Үздік шығарма» байқауы;
  • – Жамбыл Жабаевтың 175 жылдығына орай «Жамбыл оқулары» байқауы;
  • – Мұқағали Мақатаевтың 90 жылдығына орай «Поэзия кеші»;
  • – «Қазақ ертегілерінің кейіпкері» атты сурет байқаулары өткізілді.

 

  • «Jas Qazaq 2023» жазғы этно лагеріне жолдама жеңіп алу үшін ұйымдастырылған байқаулар
  • – «Тапқыр болсаң, тауып көр» байқауының 7 жеңімпазы;
  • – «Сурет әлемі» байқауына 64 адам қатысып, оның 9 жеңімпазы;
  • – «Жаңа әуен» инструменталдық байқауының 6 жеңімпазы;
  • – «Үздік фотосурет» байқауына 31 адам қатысып, оның 7 жеңімпазы;
  • – «Qazaqstan» ұлттық арнасының 85 жылдығына орай «Телехикаялар» байқауының 5 жеңімпазы;
  • – «Үздік домбырашы» байқауына 18 адам қатысып, 6 жеңімпазы;
  • – «Мәнерлеп оқу» байқауына 34 адам қатысып, 5 жеңімпазына жазғы лагерге жолдама берілді.  

 

  • Жазғы лагерь қатысушылары арасында өткізілген шығармашылық байқаулар
  • – «Мақал-мәтелдер». Байқауға барлығы 24 бала қатысты. Байқау талабына сай балаларға арнайы тақырыптар берілді, сол бойынша бір-бірлерімен мақал айтып жарысты
  • – «Қазақстан тарихы». Ережеге сай 40 минут ішінде байқауға қатысқан 170-ке жуық бала 25 сұрақтан тұратын Қазақстан тарихынан тест тапсырмаларына жауап берді.
  • – «Үздік жас мобилограф». Байқауға барлығы 54 оқушы қатысты. “Екі апта бойы лагерьден не түйдім,не көрдім, не білдім?”- деген сұрақтарға жауап беру арқылы жеке көзқарастарын әдемі видеороликтер арқылы жеткізді.
  • – «Қос елдің қыран тұлғасы». Рахметолла Райымқұловтың 110 жылдығына орай 13 жас пен 35 жасқа дейінгі шетелдегі қандастар арасындағы талапты жастарға арналған «Қос елдің қыран тұлғасы» атты халықаралық байқауын жариялады.