Qandastardy beiımdeu jäne yqpaldastyru ortalyğy – Qazaqstan Respublikasynyñ zañnamasyna säikes oblystardyñ, respublikalyq mañyzy bar qalalardyñ, astananyñ jergılıktı atqaruşy organy qūratyn jäne qandastarğa, olardyñ otbasy müşelerıne beiımdeu jäne yqpaldastyru qyzmetterın körsetuge jäne uaqytşa tūruğa arnalğan zañdy tūlğa.

Ortalyqtyñ negızgı mındetı Qazaqstan Respublikasynyñ zañnamasyna säikes beiımdeu jäne yqpaldastyru qyzmetterın ūsynu maqsatynda qandastar men olardyñ otbasy müşelerınıñ uaqytşa tūruyn (tegın) qamtamasyz etu bolyp tabylady.

2008 jyldan bastap Qarağandy, Şymkent qalalarynda jäne Türkıstan oblysynyñ Aqsukent auylynda qandastardy beiımdeu jäne yqpaldastyru ortalyqtary öz jūmysyn bastady.

Ortalyqtarda ıske asyrylatyn beiımdeu bağdarlamalary qūqyqtyq mäseleler boiynşa konsültasia berudı, memlekettık tıldı jäne qalauy boiynşa — orys tılın oqytudy, käsıptık daiarlaudy, qaita daiarlaudy jäne bılıktılıgın arttyrudy közdeidı.

Jūmyspen qamtudy üilestıru jäne äleumettık bağdarlamalar basqarmasynyñ «Qandastardy beiımdeu jäne yqpaldastyru ortalyqtary» KMM Bailanys aqparaty:

1. Qarağandy qalasy - Tel: 8(7212) 21-55-14. Meken-jaiy: Qarağandy qalasy, Amanjol köşesı №92.
2. Şymkent qalasy - Tel: 8(7252) 31-80-63. Meken-jaiy: Şymkent qalasy, 1 mamyr köşesı №22/2.
3. Türkıstan oblysy, Sairam audany - Tel: 8(7253) 12-47-41. Meken-jaiy: Aqsukent auyly, Qystaubaev köşesı №5.
4. Pavlodar oblysy - Tel: 8 (701) 921-15-34. Meken-jaıy: Pavlodar qalasy, Lomova kóshesi 150.

1. Ortalyqta uaqytşa negızde tūru üşın qandastar, sondai-aq olardyñ otbasy müşelerı tegın ornalastyrylady.

2. Ortalyqty qaita qūru nemese taratu Qazaqstan Respublikasynyñ azamattyq zañnamasyna säikes jürgızıledı. Ortalyq zañdy tūlğa qūqyğyn ielenedı, derbes teñgerımı, Qazaqstan Respublikasy qarjy zañnamasyna säikes bankterde şottary, Qazaqstan Respublikasy Memlekettık eltañbasy beinelengen jäne memlekettık mekemenıñ atauy bar mörı, blankılerı bolady.

3. Ortalyqta qandastardyñ qoğamğa tezırek beiımdeluı men yqpaldasuyna bağyttalğan jağdailar jasalady.

4. Ortalyqta tegın tūratyn qandastar men olardyñ otbasy müşelerıne mynadai qyzmetter körsetıledı:

    1) aqparattyq jäne anyqtamalyq qyzmetter ūsynu;

    2) audarma boiynşa qyzmet körsetu;

    3) jūmysqa ornalastyruda, käsıptık daiarlauda, qaita daiarlauda jäne bılıktılıktı arttyruda kömek;

    4) Qazaqstan Respublikasynyñ tarihy, mädenietı men salt-dästürı jönınde, zañnama negızderı jäne şağyn biznes aşu boiynşa oqytu kurstaryn ötkızu;

    5) ärtürlı mädeni ıs-şaralar ötkızu;

    6) qūqyqtyq qyzmet körsetu (tırkeluge, "Oralmandar men qonys audaruşylardy qabyldaudyñ öñırlık kvotasyna engızu qağidalaryn bekıtu turaly" Qazaqstan Respublikasy Densaulyq saqtau jäne äleumettık damu ministrı mındetın atqaruşynyñ 2016 jylğy 15 qañtardağy № 20 būiryğymen (normativtık qūqyqtyq aktılerdı memlekettık tırkeu tızılımınde № 13334 bolyp tırkelgen) bekıtılgen nysan boiynşa qandastardy qabyldaudyñ öñırlık kvotasyna engızuge ötınış beruge, azamattyq, äleumettık järdemaqylar aluğa keñester, konsültasialar beru jäne kömek körsetu);;

    7) Qazaqstan azamattyğyn alu jäne qūjattandyru mäselelerıne järdemdesu;

    8) tegın medisinalyq kömektıñ kepıldık berılgen kölemın;

    9) qazaq jäne orys tılderın oqytu;

    10) memlekettık atauly äleumettık kömek aluğa järdemdesu.

5. Ortalyqqa ornalastyru jäne ol jerde qandastardy ūstau Qazaqstan Respublikasynyñ medisinalyq qamsyzdandyru, sanitarlyq saulyq, säulettık retteu, qūrylys salasy, tūrğyn üi qatynastary jäne komunaldyq şaruaşylyq salalarynyñ talaptaryna sai boluy tiıs.

   Ortalyq qandastardy oqytu üşın qajettı ädıstemelık qūraldar men materialdyq-tehnikalyq jabdyqtarmen qamsyzdandyrylady.

6. Ortalyqtyñ jūmys rejimı ışkı eñbek tärtıbı qağidalarynda belgılengen jäne Qazaqstan Respublikasynyñ eñbek zañnamasynyñ normalaryna qaişy kelmeuge tiıs.

Qandastardy beiımdeu jäne yqpaldastyru ortalyqtary qyzmetınıñ qağidalaryn jäne Uaqytşa ornalastyru ortalyqtarynyñ qağidalaryn bekıtu turaly Būiryqqa sılteme: https://adilet.zan.kz/kaz/docs/V1300008601