Qazaqstanda turaqty turýǵa jáne azamattyqty alýǵa QHR-dan shyqpas buryn, qujattardy aldyn ala apostıldeý kerektigin habarlaımyz!

2023 jylǵy Qytaı Halyq Respýblıkasy Gaagada jasalǵan Sheteldik resmı qujattardy zańdastyrý talabyn joıatyn Konvensıaǵa (budan ári – Konvensıa) qosylǵanyn habarlaımyz. Konvensıa QHR-ǵa qatysty 2023 jylǵy qarasha aıynda kúshine endi.

Konvensıa kúshine engen sátten bastap Qytaıdyń Qazaqstanda paıdalaný úshin beretin resmı qujattary budan bylaı konsýldyq zańdastyrý rásiminen ótpeıdi, onyń ornyna Qytaıda qosymsha sertıfıkattar (apostıl) beriletin bolady.

Sertıfıkattar (apostıl) oǵan eltańbaly kúmis tústi mór bekitilgen japsyrma túrinde resimdeledi (japsyrma jáne mór formaty qosa berilgen).

Qytaıda sertıfıkattar (apostıl) berý boıynsha ýákiletti organ - Syrtqy ister mınıstrligi bolyp tabylady.

Sondaı aq, syrtqy ister keńseleri ózderiniń ákimshilik aýdandarynda berilgen resmı qujattarǵa sertıfıkattar (apostıl) beredi.

Endigi kezekte, Qytaı Halyq Respýblıkasy azamattarynyń Qazaqstanǵa kelmes buryn, qujattaryn aldyn ala apostıldeýi qajet!

Qazaqstanda turaqty turýǵa jáne azamattyqty alýǵa Mońǵolıadan shyqpas buryn, qujattardy aldyn ala apostıldeý kerektigin habarlaımyz!

1. Qazaqstan Respýblıkasynyń memlekettik organdary shetel memleketterinen kelgen azamattardyń qujattaryn mindetti túrde zańdastyrylǵan (legalızasıalanǵan) kezde ǵana qabyldaıdy.

Sondaı aq, , Mońǵolıa eliniń azamattary Gaaga konvensıasyna sáıkes, qujattaryna apostıl qoıdyryp alyp kelgen jaǵdaıda, qaıtadan zańdastyrý (legalızasıalaý) qajettiligi joq.

Alaıda, Mońǵolıadan Pavlodar oblysynyń aýmaǵyna qonys aýdarǵan qandastarymyzdyń qujattarynda apostıl qoıdyrylmaǵandyqtan, óńirlik polısıa departamentiniń kóshi qon qyzmeti qujattardyń zańdastyrýyn (legalızasıalaý) zańǵa sáıkes talap etken.

1. Pavlodar oblysyndaǵy qandastarymyzdyń qujattaryn zańdastyrý máselesi - oblystyq polısıa departamentiniń kóshi qon qyzmetiniń qoldaýymen aldaǵy ýaqytta óz sheshimin tabady.
2. Bolashaqta mundaı máseleler qaıtalanbaý úshin, Mońǵolıadan jáne basqa elderden Qazaqstanǵa qonys aýdarar aldynda barlyq qujattarǵa (týý týraly kýáligi, pasporty, neke kýáligi, sottylyǵy joq degen anyqtama) mindetti túrde apostıl qoıdyryp alýlaryńyzdy suraımyz. Bolmaǵan jaǵdaıda, Qazaqstanǵa kelgende qujattaryńyzdy Mońǵolıa Elshiligine baryp rastap, odan keıin QR Syrtqy istep mınıstrliginiń Konsýldyq qyzmetinde zańdastyrýlaryńyz qajet bolady. Al ol, óz aldyna ýaqyt pen qarjy shyǵyndaryn talap etetinin eskertemiz.