پاۆلودار وبلىسى

سۋرەتتەر بەينە

پاۆلودار وبلىسى — 1938 جىلعى قاڭتار ايىندا قۇرىلعان. وبلىس ورتالىعى – پاۆلودار قالاسى، ول قازاقستاننىڭ اسا ءىرى وزەنى بولىپ تابىلاتىن ەرتىس جاعاسىندا ورنالاسقان. وبلىس قازاقستان رەسپۋبليكاسىنىڭ سولتۇستىك-شىعىسىندا ورنالاسقان جانە سولتۇستىكتە – رەسەي فەدەراتسياسىنىڭ ومبى، سولتۇستىك-شىعىستا – ءنوۆوسىبىر وبلىستارىمەن، شىعىستا –التاي ولكەسىمەن، وڭتۇستىكتە – قازاقستان رەسپۋبليكاسىنىڭ اباي جانە قاراعاندى وبلىستارىمەن، باتىستا – اقمولا جانە سولتۇستىك قازاقستان وبلىستارىمەن شەكتەسىپ جاتىر.

جەر اۋماعى 124 755 كم².

پاۆلودار وبلىسىنىڭ جەر بەدەرى ەكى بولىككە بولىنەدى. سولتۇستىگىنىنىڭ نەگىزگى بولىگىن باتىس ءسىبىر ويپاتىنىڭ جالعاسى – ەرتىس جازىعى، وڭتۇستىك-شىعىس بولىگىن cارىارقانىڭ سولتۇستىك-شىعىس سىلەمى، سولتۇستىك-شىعىسىن قۇلىندى دالاسى الىپ جاتىر. جەر بەتى مۇندا تەڭىز دەڭگەيىنەن 120 – 150 م بيىكتىكتە، ەرتىس اڭعارىندا 100 – 110 م شاماسىندا. سارىارقا بولىگى كوبىنەسە ۇساق توبەلەرمەن الماسىپ وتىراتىن جازىقتاردان تۇرادى. مۇندا باياناۋلا (1026 م)، قىزىلتاۋ (وبلىستىڭ ەڭ بيىك جەرى – اۋليە تاۋى، 1055 م)، جەلتاۋ (959 م) جانە سەمىزبۇلاق تاۋلارى ورنالاسقان.

ەرەكشە قورعالاتىن تابيعي اۋماقتاردىڭ جەرى 357،9 مىڭ گا قۇرايدى؛

ورمان قورىنىڭ جەرى 126 مىڭ گا قۇرايدى؛  ,سۋ قورىنىڭ جەرى - 78،9 مىڭ گا.

2026 جىلعى 1 قاŋتارعا وبلىس حالقىنىڭ سانى 745،2 مىڭ ادامدى قۇرادى، سونىڭ ىشىندە قالالىقتار – 532،7 مىڭ ادام، اۋىلدىقتار – 212،5 مىڭ ادام. 
اكىمشىلىك ءبولىنىسى: وبلىس قۇرامىنا 3 وبلىستىق ماڭىزى بار قالا (پاۆلودار، ەكىباستۇز، اقسۋ)، 10 اۋدان (اقتوعاي، اققۋلى، باياناۋىل، ەرتىس، جەلەزين، ماي، پاۆلودار، تەرەڭكول، ۇسپەن، شارباقتى) كىرەدى.

سالالىق ستاتيستيكا: 2024 جىلعى قاڭتار-ساۋىردە ونەركاسىپ ءوندىرىسىنىڭ كولەمى قولدانىستاعى باعامەن 1059857،9 ملن. تەڭگەنى قۇرادى، بۇل 2023 جىلعى قاڭتار-ساۋىرمەن سالىستىرعاندا 6،5% كوپ. تاۋ-كەن ءوندىرۋ ونەركاسىبى جانە كارەرلەردى قازۋ ءوندىرىس كولەمى – 1،4%، وڭدەۋ ونەركاسىبىندە – 9،3%، ەلەكتر ەنەرگياسىمەن، گازبەن، بۋمەن، ىستىق سۋمەن جانە اۋانى كونديتسيالاۋمەن جابدىقتاۋ – 4،5% ءوستى، سۋمەن جابدىقتاۋدا؛ سۋ بۇرۋ؛ قالدىقتاردى جيناۋدا، وڭدەۋدە جانە جويۋدا، لاستانۋدى جويۋ بويىنشا قىزمەتتە – 16،8% تومەندەدى.

2024 جىلعى قاڭتار- ساۋىردە اۋىل شارۋاشىلىعى ونىمدەرىنىڭ (قىزمەتتەرىنىڭ) جالپى شىعارىلىمىن 64181،8 ملن. تەڭگەنى نەمەسە 2023 جىلعى قاڭتار- ساۋىرمەن سالىستىرعاندا 101،2% قۇرادى. 2024 جىلعى قاڭتار-ساۋىردە كولىكتىڭ بارلىق تۇرلەرىنىڭ جۇك اينالىمى 9195،6 ملن. تكم-ءدى قۇرادى، (كوممەرتسيالىق تاسىمالداۋمەن اينالىساتىن جەكە كاسىپكەرلەردىڭ ورىنداعان جۇك اينالىمىن باعالاۋ ەسەبىمەن)، نەمەسە 2023 جىلدىڭ قاڭتار-ساۋىردەن سالىستىرعاندا 100،5% قۇرادى. جۇمىس ىستەپ تۇرعان زاڭدى تۇلعالار سانى 14472 بىرلىكتى قۇرادى، ونىڭ ىشىندە شاعىن كاسىپورىندار 14117 بىرلىك قۇرادى.