Kıeli Qazaqstan – tanymdyq ekskursiisy



«Kıeli Qazaqstan» tanymdyq ekskursiisynyñ basty maqsaty – şetelde tūratyn otandastarymyzdy Qazaqstannyñ kielı jerlerımen tanystyru, qandastardy qoldauğa arnalğan türlı bağdarlamalar, onyñ ışınde mädeni-gumanitarlyq mümkındıkter turaly aqparat beru, qazaq jastary arasyndağy bailanysty nyğaitu.

Is-şarağa şetelden kelgen qazaq mädeni ūiymdarynyñ jas basşylary, sport jäne öner salasynda jetıstıkke jetken qandas jastar, jurnalister, blogerler men belsendı otandastar qatysady.

Bügınge deiın tanymdyq ekskursii 6 ret ötkızıldı.

Bırınşı ekskursii 2018 jyly Türkıstan qalasynda ötkızıldı. Qatysuşylar sany – 20 adam.

2019 jyly Mañğystau oblysynda ötken ekskursii nätijesınde «Jas Qazaq» halyqaralyq jastar ūiymy qūryldy. Qatysuşylar sany – 20 adam.

Al 2020 jyly «Kıeli Qazaqstan» jobasynyñ 20 qatysuşysy Türkıstan oblysy men Şymkent qalasynyñ kielı jerlerın aralady.

  

2021 jyly Almaty oblysy men Almaty qalasynda ötkızılgen tanymdyq ekskursiiğa Japonii, Türkii, Qytai, İran, Resei, Moñğolii jäne Özbekstannan 21 belsendı qazaq jastary qatysty. Olar Şaryn şatqaly, Qaiyñdy kölı, «Altyn adam» muzeiı, Kölsai kölderı siiqty oryndardy aralady.

Soñğy ret ekskursii 2022 jyly jañadan qūrylğan Abai oblysynda ūiymdastyryldy. Jobağa 31 adam qatysty. Olardyñ qatarynda şeteldegı qazaq jastar ūiymynyñ törağalary, belsendı jastar men är türlı sala mamandary boldy.