«Отандастар қоры» Қазақстан Жазушылар Одағымен бірлесе отырып, шеттегі қазақ қаламгерлерінің үздік туындылары мен шығармашылығын Атажұрттағы оқырманға таныстыру мақсатында «Ұлы Дала» сериясымен кітаптар шығаруды қолға алды. Арнайы байқау жарияланып, құрамында білікті мамандар мен қаламгерлер енген қазылар алқасы құрылды. Аталған қазылар алқасының іріктеуінен өткен 10 кітап алғашқы лекпен оқырманға жол тартқалы отыр. Бұлар - Моңғолия, Ресей, Өзбекстан, Қытай елдеріндегі қазақ қаламгерлерінің бұрын елімізде жарық көрмеген еңбектері. Оның ішінде өлеңдер жинағы, көркем проза, тарихи-танымдық зерттеу, естеліктер және көркем аударма бар.

2023 жылы жарық көрген кітаптар тізімі:

1. «Сеңгір таулар» – дилогиялық роман. Автор Сұлтан Тәукейұлы (Моңғолияның халық жазушысы). Елі: Моңғолия.
   Роман ел тарихы мен тұлғалар тағдырын көркем суреттейді.

2. «Маусымжан» – әңгімелер жинағы. Автор Шынай Рахметұлы (Моңғолияның халық жазушысы). Елі: Моңғолия.
   Тақырыптық әр алуандығымен ерекшеленетін әңгімелер топтамасы.

3. «Жыр күмбезі» – өлеңдер жинағы. Автор Қызырбек Оралов. Құрастырған Жәди Шәкенұлы. Елі: Қытай.
   Ақынның 1956–1964 жылдары жазған өлеңдері мен естеліктері.

4. «Қайтқан қаздың дауысы» – өлеңдер жинағы. Автор Көпбосын Сәскин. Елі: Қытай.
   Классикалық дәстүрде жазылған таңдамалы өлеңдер.

5. «Антиөлшем» – әдеби-сын мақалалар. Автор Сұраған Рахметұлы. Елі: Моңғолия.
   Қазіргі поэзияға арналған сыни ойлар мен талдаулар.

6. «Казахи Волгоградской области: история и современность» – тарихи танымдық еңбек. Автор Геннадий Ташпеков (тарих ғылымдарының кандидаты). Елі: Ресей.
   Волгоград өңіріндегі қазақтардың тарихы мен мәдениеті.

7. «Еуропадағы қазақ диаспорасының тарихы және қазіргі жағдайы» – зерттеу. Автор Досан Баймолда (профессор). Елі: Моңғолия.
   Еуропадағы қазақтардың қалыптасу тарихы мен бүгіні.

8. «Керуен-ғұмыр» – автобиографиялық еңбек. Автор Таухай Тайф. Елі: Моңғолия.
   Баян-Өлгий қазақтарының тұрмыс-тіршілігі, мәдениеті туралы.

9. «Сары қаймақ сағыныш» – поэма, толғау, өлеңдер. Автор Байыт Қабанұлы. Елі: Моңғолия.
   Сағыныш сарыны мен ұлттық болмысқа толы жырлар.

10. «Қытайдағы қазақ ақындарының айтысы» – айтыстар жинағы. Автор Бата Кәдірхан. Елі: Қазақстан.
    Қытайдағы қазақ айтыскерлерінің таңдаулы туындылары.

2024 жылы халықаралық «Ұлы Дала» байқауы жалғасын тапты. "Отандастар қоры" және Қазақстан Жазушылар одағы бірлесе отырып, үздік 9 шығарманы таңдап, баспаға ұсынды:

1. "Қобданың қоңыр желі" (өлеңдер, балладалар, толғаныстар) – Рысбек Зұрғанбайұлы (Моңғолия)Жинақта туған өлке табиғаты мен ұлттық болмысты жырлаған поэзиялық туындылар топтастырылған.

2. "Үркер ауып барады" (өлеңдер) – Зүлкәпіл Мәулітұлы (Моңғолия)Автордың өлеңдері табиғат пен адам сезімінің нәзік үйлесімін бейнелейд

3. "Тәжікстандағы қазақтар: тарихи танымдық еңбек" – Абдусаттор Нуралиев (Тәжікстан)Еңбекте Тәжікстандағы қазақтардың тарихы мен мәдениеті деректер негізінде баяндалған.

4. "Ақиқаттың дәмі ащы" (өлеңдер) – Жарасқан Мырзамұратұлы (Өзбекстан)Жырларда шындық пен азаматтық үн айқын көрініс тапқан.

5. "Кімді кінәларсың..." (повестер мен әңгімелер) – Ербақыт Нүсіпұлы (Моңғолия) Жинақта адам тағдыры мен психологиялық толғаныстар суреттеледі.

6. "Ұрпағың үзілмесін" (әңгімелер) – Мұхтасыров Пионер Солтанович (Ресей)Жинақта ұрпақ сабақтастығы мен ұлттық дәстүрді сақтау мәселесі қамтылған.

7. "Қарасу жырлары" (өлеңдер) – Лала Жүнісқызы Жұманова (Өзбекстан)Өлеңдер туған жерге деген сағыныш пен махаббат сезімін жеткізеді.

8. "Өрікті көл" (повесть, әңгімелер) – Елеусіз Мұқамәдиұлы (Моңғолия)Кітапта ауыл өмірі мен адам тағдыры шынайы бейнеленген.

9. "Айтағалы салт атты" (шығармалар) – Баман Құрманханұлы (Моңғолия)Жинақта ұлттық дәстүрлер мен тарих сабақтастығы көркем суреттелген.