Зат есім - заттың, құбылыстың, адамның, жануардың және орынның атын білдіретін сөз табы. Ол «кім? не?» сұрақтарына жауап береді. Мысалы: бала, кітап, қала, ит. Зат есім жалпы есім және жалқы есім болып бөлінеді. Жалпы есім жалпы атауды білдіреді (қала, адам), ал жалқы есім нақты атау болып, бас әріппен жазылады (Астана, Абай). Зат есім жекеше және көпше түрде қолданылады. Көпше түрі -лар, -лер, -дар, -дер, -тар, -тер жалғаулары арқылы жасалады. Мысалы: кітап - кітаптар, үй - үйлер. Сөйлемде зат есім бастауыш, толықтауыш қызметін атқарады.