Сөзжасам - жаңа сөздердің жасалу жолдарын зерттейтін тіл білімінің саласы. Ол түбір сөздерге түрлі жұрнақтар жалғану, сөздердің бірігуі, қосарлануы немесе тіркесуі арқылы жаңа мағынасы бар сөздердің жасалуын қарастырады. Сөзжасам тілдің сөздік қорын байытып, жаңа ұғымдарды атауға мүмкіндік береді. Сөзжасамның негізгі тәсілдеріне жұрнақ жалғау арқылы сөз жасау жатады. Мысалы: бала → балалық. Сонымен қатар сөздер бірігу арқылы да жасалады: ақ + құс → аққұс. Қосарлану тәсілі де қолданылады: ата-ана, күні-түні. Ал тіркесу арқылы жасалған сөздерге ашық хат, темір жол сияқты тіркестер жатады.