Имантау көлі — Солтүстік Қазақстан облысы, Айыртау ауданында орналасқан табиғаты ерекше көл. Ол солтүстік-батыстан оңтүстік-шығысқа қарай созылып жатыр. Көлдің жалпы аумағы 49 км², ұзындығы 13,1 км, ені 4,8 км. Орташа тереңдігі 5,7 м, ал ең терең жері шамамен 10 м. Су жиналатын алабы 483 мың км². Көл суы гидрокарбонатты типке жатады, минералдану мөлшері 780–840 мг/л.
Көлдің оңтүстік жағалауында қарағай мен қайың аралас орман өседі, ал оңтүстік-батыс бөлігі биік әрі тік жарлы болып келеді. Қалған жағалаулары негізінен жайпақ. Солтүстік-батыс бөлігін көлге сұғына кірген мүйіс бөліп тұрады. Орта тұсында тасты арал орналасқан. Түбі әркелкі: оңтүстік-шығысы тастақты, солтүстігі сазды-құмды, ал басқа бөліктері лай-батпақты. Жағалауында қоға мен қамыс қопалары өседі.
Көлге бірнеше шағын өзендер құяды, ал оңтүстік-шығысынан Иманбұлақ өзені ағып шығады. Су көзі шаруашылықта, соның ішінде мал суаруға және тұрмыстық қажеттіліктерге пайдаланылады, сонымен қатар көлден балық ауланады (торта, аққайран, алабұға, шортан, мөңке және т.б.).
Көл ортасында жүрек тәрізді арал орналасқан. Сонымен қатар, Имантау тауы жергілікті халық арасында қасиетті орын ретінде саналады. Тарихи деректерге сәйкес, «Имантау» атауы орта ғасырларда осы өңірді мекендеген адамның есіміне байланысты пайда болған. Бұл табиғи кешен қазіргі таңда «Көкшетау» ұлттық паркіне кіреді.
Жергілікті халық арасында Имантау кейде «Тасарал», ал кейбір аңыздарда жыландар мекендегендіктен «Жыланды арал» деп те аталады. XIX ғасырда қазақтардың қоныстануына байланысты бұл жер «Казачий» атауымен де белгілі болған.
Имантау көлінің ұзындығы шамамен 13 км, ені 5 км-ге жуық, ал тереңдігі 10 метрден асады. Суы тұщы болғандықтан, мұнда жүзуге де, балық аулауға да мүмкіндік бар. Көлде чебак, аққайран, алабұға, шортан, тұқы және шаяндар кездеседі.
Көл жағалауында туристерге арналған демалыс аймақтары бар, онда қайық, гидромотоцикл және катамаран жалға беру қызметтері ұсынылады.
Сонымен қатар мұнда әртүрлі орналастыру орындары — VIP үйлер, киіз үйлер және күмбезді үйлер бар. Мысалы, «Тихая заводь» демалыс аймағындағы күмбезді үйлердің ауданы шамамен 30 м², биіктігі 3,7 м, диаметрі 6 м.
Жаз мезгілінде Имантау маңына Қазақстанның әр өңірінен және көрші елдерден көптеген туристер келеді. Маусым мен қыркүйек аралығында ауа райы жылы болып, су температурасы 20–25°C-қа дейін көтеріледі. Дегенмен, өңірдің климаты құбылмалы болғандықтан, кенеттен жаңбыр жаууы мүмкін.
Имантауда тек судағы демалыс емес, жаяу серуендеу мен табиғат аясында тынығу да кең таралған. Соның ішінде әйгілі орындардың бірі — Имантау шоқысы.
Имантау шоқысы — панорамалық көрініс ашылатын көрікті орын, фотосессиялар үшін өте танымал. Келушілер бұл жердің табиғатына тәнті болып: «Шаршағаныңды ұмыттыратын керемет көрініс, таза ауа мен табиғат ерекше әсер береді» деп пікір қалдырады.
Имантау өңірінде бұдан бөлек «Екі ағайынды» шоқысы және Айыртау тауы сияқты табиғи нысандар да бар.
Дереккөз: kk.wikipedia.org, qlife.kz.