«Jas Qazaq» халықаралық жастар ұйымы (бұдан әрі – Ұйым) «Отандастар Қоры» КЕАҚ (бұдан әрі – Қоғам) жанынан 2019 жылы қарашада құрылды. Ұйым өз қызметінде Қазақстан Республикасының заңнамасын, қоғамның тұжырымдамасы мен даму жоспарын, сондай-ақ осы тұжырымдаманы басшылыққа алады. Қоғамның идеялары мен құндылықтарын бөлісетін әрбір жас отандасымыз ұйымның мүшесі бола алады.

Ұйымның негізгі мақсаты – шет елдегі және елге оралған жас отандастарымызға жан-жақты қолдау көрсету.

• Ұйымның міндеттері:
• – Қазақстан Республикасына оралған қандас жастардың биімделуіне ықпал жасау;
• – Қазақстан Респбуликасының мемлекеттік жастар саясатын жүзеге асыруға ықпалдастық таныту; 
• – Қандас жастардың білім, зияткерлік және кәсіби-деңгейін арттыруға жәрдемдесу;
• – Жастардың әлеуметтік маңызды бастамаларына қолдау көрсету және оларды іске асыру.
•  
• Үйымның құзыреті. Қойылған мақсаттарға қол жеткізу және міндеттерді орындау үшін ұйымның келесі құқықтары бар:
• – Ұйымның мүшелерінің заңды құқықтарын қорғауға;
• – Шетелдегі және елге оралған жас отандастармен әлеуметтік-мәдени мәселелер бойынша өзара іс-қимылды ұйымдастыруға;
• – Диаспоралдық саясат және жас отандастарды қолдау мәселелеріне қатысты жобаларды іске асыруға қатысуға;
• – Диаспоралдық саясат және жас отандастарды қолдау саласындағы заңнаманы жетілдіру бойынша ұсынымдар ұсынуға;
• – Шетелдегі және елге оралған жас отандастарға қатысты мәселелер бойынша конференциялар, брифингтер, дөңгелек үстелдер, көрмелер өткізуге;
• – Ұйым  мемлекеттік органдармен өзара іс-қимыл нәтижелері және өзге де қоғамдық маңызы бар мәселелер мен жобалар туралы жұртшылықты бұқаралық ақпарат құралдары және әлеуметтік желілер арқылы хабардар етуге;
•  
• Ұйымға мүшелілік. Ұйым ерікті мүшелілік қағидаларының негізінде құрылып, әрекет етеді. Ұйымның мүшелері шет елде тұратын немесе елге оралған қандас жастар бола алады.
•  
• Ұйымның мүшелері құқылы:
• – Ұйымның жиналыстарына қатысуға;
• – Ұйымның ұйымдастыратын іс-шараларына қатысуға;
• – Белгілі бір жобада жұмыс істеу үшін ұйым ішінде топтарға бірігуге;
• – Ұйымды дамыту бағдарламаларын әзірлеуге, жылдық жұмыс жоспарын жасауға қатысуға;
• – Ұйымды дамытуға байланысты ұсыныстар енгізуге.
•  
• Ұйымның мүшелері міндетті:
• – Үйымның қызметіне белсенді қатысуға;
• – Ұйымның жалпы жиналыстарына қатысу.
•  
• Jas Qazaq ұйымдастырған бірқатар жобалар мен іс-шаралар