
Antalii qalasynda türkı älemınıñ ūly aqyny, kompozitor, qazaq oişyly Abai Qūnanbaiūly atyndağy saibaqtyñ aşylu saltanaty öttı.
Abai Qūnanbaiūlynyñ 175 jyldyq mereitoiyn atap ötu şeñberınde Qazaqstannyñ Türkiidağy Elşılıgı, Antaliidağy Konsuldyğy, Qazaqstan jäne Eurazii halyqtarynyñ dostyq pen mädeniet qauymdastyğynyñ bastamasymen Antalii qalasyndağy saibaqqa Abai Qūnanbaiūly esımı berıldı.
Saibaqta Abaidyñ märmermen qaptalğan eckertkış taqtasy ornatylyp, aşylu saltanatyna Qazaqstannyñ Türkiidağy Elşısı Abzal Saparbekūly, Antalii qalasy Mūratpaşa audanynyñ merı Ümıt Uisal, Düniejüzı qazaqtary qauymdastyğy men «Otandastar» qorynyñ atynan Litifa Kuchembaeva, Qarlyğaş Qojamūratova, Qoja Ahmet Issaui universitetı Ökılettı keñesınıñ Törağa keñesşısı, professor Fyrat Purtaş, Respublikalyq Halyq partiisynyñ Antaliidağy törağasy Nusret Bair jäne orynbasary Rafet Zeibek, Qazaqstan jäne Eurazii halyqtarynyñ dostyq pen mädeniet qauymdastyğy müşelerı, jergılıktı qonaqtar men BAQ ökılderı qatysty.
Alqaly jiyn barysynda şağyn konserttık bağdarlama ūiymdastyrylyp, Abai şyğarmaşylyğynan belgılı öleñderı oqylyp, än-küiı şyrqalyp, kıtaptary syiğa tartyldy.