«Otandastar qory» KeAQ-da «Media damytu qory» korporativtık qorynyñ jobalar koordinatory, «Kazakh Speaking Club» jobasynyñ avtory Elmira Süleimanqyzymen kezdesu öttı.
Kezdesu barysynda memorandum aisyndağy bırlesken jūmystar jäne aldağy josparlar talqylandy. Atap aitqanda, «Ürker» jäne «Tūmar» ūlttyq media baiqaularynda şeteldegı qazaqtıldı BAQ üşın arnaiy nominasiiny qaita engızu, şeteldegı qazaqtıldı jurnalister turaly bırlesken kontent daiyndau jäne Euronews Academy bağdarlamasyna qandas studentterge kvota bölu mümkındıgı talqylandy.
Sonymen qatar Qazaqstanda jurnalistika jäne PR mamandyğynda bılım alyp jatqan qandas studentterdıñ otandyq BAQ-ta tağylymdamadan ötuıne qoldau körsetu, universitet bazasynda oflain jäne onlain formatta bılıktılıktı arttyru kurstaryn ūiymdastyru mäselelerı qarastyryldy.
Būdan bölek, «Media älem» jobasy arqyly şeteldegı jäne otandyq BAQ ökılderın nasihattau, şeteldegı qazaqtıldı media ökılderın Qazaqstanğa şaqyryp, Astana Media Week aisynda täjıribe almasu kurstaryn ötkızu, qazaq tılın üiretuge bağyttalğan jobalar men startaptarmen serıktestık ornatu jäne onlain formatta «Kazakh Speaking Club» jobasyn bırlesıp damytu josparlandy.
Kezdesu qorytyndysy boiynşa taraptar media, bılım jäne tıl bağytyndağy yntymaqtastyqty jüielı türde jalğastyruğa uağdalasty.