2025 jylğy 14 şıldede Qazaqstan Respublikasynyñ İspanii Koroldıgındegı Elşılıgınıñ qoldauymen Madrid qalasynda İspaniida tūratyn qazaq mädeni ūiymdarynyñ basşylary men belsendılerı qatysqan kezdesu öttı.
Is-şarağa Madrid qalasyndağy «İspaniidağy qazaq diasporasy», «İspaniidağy qazaq üiı» ūiymdarynyñ ökılderı, Granada qalasynan «Möldır Ümıt» ūiymy, sondai-aq Valensii jäne Budapeşt qalalarynan arnaiy kelgen qonaqtar qatysty.
Kezdesu barysynda «Otandastar qory» KeAQ prezidentı Daniir Qadyrov şeteldegı otandastarmen mädeni-gumanitarlyq yntymaqtastyqty nyğaitu, ūlttyq bolmys pen ana tıldı saqtau, sondai-aq qazaq mädenietın şetelde ılgerıletuge bağyttalğan Qoğamnyñ negızgı bastamalary men jobalary turaly aqparat berdı.
Jiyn aisynda qatysuşylar İspaniidağy qazaq ortalyqtarynyñ özara bailanysyn küşeitu, Europa qazaqtarynyñ jyl saiynğy qūryltaiy şeñberınde «Qazaq äielderı» forumyn ūiymdastyru, sondai-aq Granada qalasyn Şymkent jäne Türkıstan qalalarymen "Bauyrlas" qala qatynasyn ornatu siiqty ūsynystaryn ortağa saldy.
Kezdesu soñynda qatysuşylarğa Şaisūltan Şaihmetov atyndağy «Tıl-Qazyna» ūlttyq ğylymi-praktikalyq ortalyğy ūsynğan qazaq tılın üirenuge arnalğan ädıstemelık oqu qūraldary tabystaldy.