Şet elderde qazaq pen özbek mädenietı men dästürlerın damytuda diaspora äleuetın qoldanu turaly yntymaqtastyq memorandumyna qol qoiyldy.
«Otandastar qory» kommersiilyq emes aksionerlık qoğamy jäne Özbekstannyñ «Vatandoşlar» qoğamdyq qory arasyndağy yntymaqtastyq turaly Memorandumğa qol qoiyldy» - dep habarlaidy «Otandastar qory» KEAQ Baspasöz qyzmetı.
Özbekstannan arnaiy kelgen «Vatandoşlar» qoğamdyq qorynyñ delegasiisy men «Otandastar qory» ökılderı resmi kezdesu ötkızdı. Ökılder ekı eldıñ qoldanystağy zañnamasy men memlekettık bağdarlamalaryna säikes bırlese jūmys jasauğa niettı ekenderın bıldırdı. Kezdesu nätijesınde Özbekstan Respublikasynyñ delegasiisyn bastap kelgen, «Vatandoşlar» qoğamdyq qorynyñ törağasy Odiljon Berdimuratūly Sattarov pen «Otandastar qorynyñ» prezidentı Abzal Saparbekūly yntymaqtastyq turaly memorandumğa qol qoidy.
Sondai- aq, praktikalyq täjıribe almasu jäne qarym-qatynas jasau maqsatynda özara ıs-saparlaryn, bırlesken tağylymdamalar men konsultasiilardy ūiymdastyru boiynşa da kelısımge keldı.
2021 jyl qūrylğan «Vatandoşlar» qoğamdyq qorynyñ maqsaty – şetelde tūratyn Özbek ūltynyñ ökılderın tarihi Otanynyñ töñıregınde toptastyru, olardyñ jüregı men sanasynda elıne degen maqtanyş sezımın oitu, ūlttyq bıregeilıgın saqtau, otandastar qūrğan qoğamdyq bırlestıkterdı qoldau. Türlı salada eñbek etıp jürgen otandastarynyñ äleuetın Özbekstannyñ damuyna tiımdı bağyttau.
Maqsaty ūqsas qos mekeme basşylary būğan deiın Özbekstandağy Qazaq qoğamdyq ūiymynyñ 30 jyldyq merei toiy aisynda Taşkentte de bas qosqan bolatyn. Sonymen qatar ekı bauyrlas ūiym Türkı memleketter ūiymy diaspora salasyndağy yntymaqtastyq bağytynda özara täjıribelerımen bölısude.