«Otandastar» Qory delegasiisy 23 qazan künı Şvesiidağy Qazaqstan jastary qauymdastyğynyñ müşelerımen kezdestı.
Kezdesude qazaqstandyq jastardyñ Şvesiidağy tynys-tırşılıgı men olardyñ aldağy josparlary talqylandy. Jiyn barysynda ūiym törağasy Aidana Bekbergen QR Şvesiidağy Tötenşe jäne Ökılettı Elşısı Qairat Qūdaiberdıūly Äbdrahmanovqa senım hatyn tapsyrdy.


Mūnda studenttermen qatar, türlı mamandyq boiynşa jūmys ısteitın qazaqstandyq jastar barşylyq. Studentter batystyq model boiynşa bılım alsa, jūmysşylar halyqaralyq kompaniilardan täjıribe jinap jür. Olar igerılgen bılım jäne alğan täjırebielerımen qazaqstan ğylymynyñ damuyna üles qosuğa daiyn. Jastar Qordyñ «Atameken» ıskerlık üiı» jobasynyñ şet elde sättı jüzege asyryluyna niettı.
Kezdesu soñynda jastar qauymdastyğy bolaşaq müşelerıne 2025 jyly aşylatyn, täjıribede tūñğyş ret elektrondyq formatta ündeumen uaqyt kapsulasyn qaldyrdy.
Qūramynda 30-ğa juyq student - müşesı bar qauymdastyq bügınde Qazaqstan Respublikasynyñ Şvesiidağy Elşılıgımen tyğyz jūmys ısteidı.