Mädeniet jäne sport ministrlıgı Tıl saisaty komitetınıñ tapsyrmasymen Şaisūltan Şaihmetov atyndağy "Tıl-Qazyna" ūlttyq ğylymi-praktikalyq ortalyğy şeteldegı etnikalyq qazaqtardy qoldaudyñ 2018-2022 jyldarğa arnalğan ısşaralar josparynyñ "Qazaqstannyñ qasiettı jerlerımen tanystyru maqsatynda aqparattyq-anyqtamalyq materialdardy äzırleu jäne şyğaru" tarmağy boiynşa "Atameken" aqparattyq-tanymdyq kıtabyn jaryqqa şyğardy.
Mūndağy maqsat – şet eldegı qandastarymyz eldıñ-tynys tırşılıgınen habardar bolsyn, ata jūrtynan qol üzıp qalmasyn degen ızgı niet jäne respublikamyzdyñ är öñırınde ornalasqan kielı mekender men qasiettı nysadar bırtūtas keşen retınde qarastyrylyp, şet eldegı qandastarymyzğa atameken turaly tolyq mağlūmat beru, - deidı kıtapty qūrastyruşylar.
Sondai-aq, "Jerdıñ aty – tarihtyñ haty" degendei ötken men bügınınıñ sabaqtastyğy halyq mekendegen jer-su ataularynan körınıs tabady. Ärbır ataudyñ öz tarihy, ärbır qasiettı orynnyñ kiege ainalu sebebı bar. Mūndai qūt mekender belgılı bır öñırdıñ maqtanyşy ğana emes, jalpyūlttyq mañyzy bar qasterlı oryndar, ata jūrtta meken etken ūrpaqtyñ tarihy, tırşılık közı, oi-öresı turaly mağlūmat beretın syrly şejıre. Mıne, jinaqty qūrastyru barysynda osy mäseleler basty nazarğa alyndy - deidı ortalyqtyñ terminologii jäne onomastika bölımınıñ jetekşı ğylymi qyzmetkerı, filologii ğylymdarynyñ kandidaty Sai Ağanasqyzy.
Kıtapta kielı jerlerdı anyqtauda qoldanylğan bes ölşemge säikes erekşe bağalanatyn tabiği mūra eskertkışterı töñıregınde aqparattyq-anyqtamalyq materialdar toptastyrylsa, ekınşı kıtapta el aumağyndağy arheologiilyq eskertkışter men ortağasyrlyq qalalyq ortalyqtar turaly mälımetter berılgen.
Biyl osyndai tağy bırneşe kıtap daiyndalu üstınde körınedı. Būl tuyndylarğa dıni jäne ğibadat oryndary turaly aqparattar, kielı nysandardyñ sipattamasy men suretterı engızılmekşı. Sondai-aq oqyrman "kesene men mazardyñ, qorymnyñ özara aiyrmaşylyğy nede?", "elımızde qandai qūlşylyq-ğibadat oryndary bar?", "ülken qyluet qaida ornalasqan?" siiqty köptıñ kökeiınde jürgen sūraqtarğa jauap alady.
Elımızdegı bır şege qoldanylmastan, ağaştardy özara qiulastyru arqyly salynğan meşıttermen, ırgetasy qūiylmai jerdıñ üstıne bırden örılgen kesenelermen, syrtqy pışını qaraşa üidı elestetetın, jabaiy tastardan qūrylğan sferalyq formadağy köne qūrylymdarmen, säulet-qūrylys önerınıñ basqa da keremetterımen tanysyp, qasiettı oryndarğa bır taban jaqyndai tüskıñız kelse, osy "Atameken" jinağynan tabasyz.
Derekköz: https://egemen.kz/article/246497-qandastargha-arnalghan-atameken-kitaby-dgaryq-kordi