
«Otandastar qory» Qazaqstan Respublikasy Prezidentınıñ janyndağy Qazaqstannyñ strategiilyq zertteuler instituty ūiymdastyrğan «Diasporamen jūmys: jaña formattar» atty saraptamalyq talqylauğa qatysty.

Is-şarağa sondai-aq QSZİ-nyñ ğylymi qyzmetkerlerı men jetekşı sarapşylary, «Ruhani Jañğyru» qazaqstandyq qoğamdyq damu institutynyñ ğylymi qyzmetkerı Mūhtar Baimağūlov, «Omby qazaqtary» Omby aimaqtyq qoğamdyq ūiymynyñ Basqarma törağasy Quanyş Eleutaev, Ş. Uälihanov atyndağy Tarih jäne etnologii institutynyñ direktory Ziibek Qabyldinov, Nu-İork universitetı janyndağy qazaqstandyq «Nomad» klubynyñ prezidentı Darhan Mūñaitbasov jäne basqa da sarapşylar qatysty.
Onlain formatta ötken jiyn barysynda şeteldegı qazaq diasporasynyñ mäselelerı men keleşegı, diasporalyq saisattyñ negızgı trendterı talqylandy.

Talqylau kezınde «Otandastar qory» KEAQ vise-prezidentı Mağaui Sarbasov qazaq diasporasymen jūmystyñ qazırgı jai-küiımen jan-jaqty tanystyrdy.
«V Düniejüzılık qazaqtar qūryltaiy kezınde Elbasy Nūrsūltan Nazarbaev şeteldegı qazaqtardy qoldau jönınde bırqatar naqty tapsyrmalar bergen edı. Osy oraida «Otandastar qory» Düniejüzı qazaqtarynyñ qauymdastyğymen bırlese otyryp, şeteldegı etnikalyq qazaqtardy jäne tarihi Otanyna oralğan otandastardy qoldau boiynşa jüielı jūmysty jalğastyruda. Mysaly QR Ükımetı şeteldegı etnikalyq qazaqtardy qoldau jönındegı 2018-2022 jyldarğa arnalğan ıs-şaralar josparyn qabyldady jäne vise-premer bastağan vedomstvoaralyq komissii qūryldy. Taldamalyq zertteuler nätijesınde otandastarymyzdy äleumettık-ekonomikalyq qoldau şaralarynyñ keşenı üşın qajettı mälımetter men materialdar, negızdemeler men ūsynystar äzırlendı. Jürgızılgen zertteuler nätijesınde barlyğy 246 ūsynys daiyndaldy», - dedı Mağauii Sarbasov.
Sondai-aq, saraptamalyq talqylau barysynda qatysuşylar ekonomikalyq jäne äleumettık-mädeni yntymaqtastyqty ornatudağy qazaq diasporasynyñ mediativtık äleuetın, Qazaqstannyñ syrtqy saisattağy «jūmsaq küşı» retındegı qazaq diasporasynyñ mäselelerın talqylady.