ASTANADA ŞETELDEGI QAZAQ QALAMGERLERINIÑ JAÑA KITAPTARY TANYSTYRYLDY

Bügın, 16:03

Astana qalasy, 2026 jylğy 20 qaraşa. Qazaqstan Respublikasynyñ Ūlttyq akademiilyq kıtaphanasynda «Otandastar qory» KeAQ ūiymdastyruymen «Ūly Dala» kıtaptar seriisynyñ jaña toptamasynyñ tūsaukeserı öttı.

«Ūly Dala» jobasy şetelde tūratyn qazaq qalamgerlerı men ğalymdarynyñ eñbekterın Qazaqstanda basyp şyğaryp, ūlttyq ädebi jäne ğylymi ainalymğa engızuge, şeteldegı qazaq qauymdastyqtarymen mädeni jäne ziitkerlık bailanysty nyğaituğa bağyttalğan. Joba aisynda 2023-2025 jyldary 28 kıtap jaryq kördı. Biyl baiqauğa ūsynylğan 11 şyğarmanyñ ışınen bes eñbek ırıktelıp, baspadan şyqty. Baiqau jeñımpazdaryn Qazaqstan Respublikasynyñ Jazuşylar odağy anyqtady.

Jaña toptamağa engen kıtaptar:

– Rysbek Zūrğanbaiūly, «Moñğolii qazaqtary: saisi näubet jäne tarihi jady» – Moñğolii qazaqtarynyñ saisi quğyn-sürgın tarihy men tarihi jadyna arnalğan zertteu;
– Äuelhan Jäzitūly, «Qūt mekenım – Qosağaş»
– Resei Federasiisy Altai Respublikasyndağy Qosağaş öñırı qazaqtarynyñ tarihy men tuğan jermen ruhani bailanysy turaly;
– Qūlnazar İbragimov, «Jyr ötkelı» – Özbekstandağy qazaq ädebietınıñ şyğarmaşylyq mūrasyn otandyq oqyrmanğa tanystyratyn jinaq;
– Sūltan Janbolatov, «Talastağy taitalas» – Qytaidağy qazaq qalamgerınıñ ädebi mūrasyn Qazaqstannyñ mädeni keñıstıgıne qaitaratyn şyğarma;
– Bäkei Ağypar, «Mikroekonomika» – ekonomika ğylymdarynyñ doktory, professor, Moñğolii Ğylymi akademiisynyñ akademigı jazğan qazaq tılındegı oqulyq.

Is-şarağa QR Syrtqy ıster ministrlıgınıñ, «Otandastar qory» KeAQ men Qazaqstan Jazuşylar odağynyñ basşylyğy, kıtap avtorlary, oqyrmandar, memleket jäne qoğam qairatkerlerı qatysyp, şeteldegı qazaq qalamgerlerınıñ şyğarmaşylyğyn qoldau jäne olardyñ eñbekterın keñınen nasihattau mäselelerı jönınde pıkır almasty.

Avtorlar professor Ağypar Bäkei men Rysbek Zūrğanbaiūly eñbekterınıñ jazylu tarihy men mazmūny turaly äñgımeledı. Sondai-aq Jazithan Äuelhannyñ jūbaiy Besaidar Jatqanbaeva söz söiledı.

Kıtaptar ūlttyq jäne respublikalyq kıtaphanalarğa taratyldy. Sonymen qatar elektrondy nūsqalary «Otandastar qory» KeAQ resmi saitynda ornalastyryldy.

 

Bailanys üşın:
Aljan Şarifov
«Otandastar qory» KeAQ
Baspasöz hatşysy
+7 775 510 5191

New books by Kazakh authors living abroad unveiled in Astana