Madridte Dimaş janküierlerınıñ keşınde şeteldegı qazaq balalarynyñ suretter körmesı öttı

01 Qaras'a 2026

Madrid, 2026 jylğy 29 qazan. «Otandastar qory» KeAQ Dimaş Qūdaibergennıñ DIMENSIONS älemdık tury aisyndağy Madrid konsertı qarsañynda ötken janküierler keşı (pre-party) aisynda «Qazaqstan – menıñ közımmen» halyqaralyq şyğarmaşylyq baiqauynyñ körmesın ūiymdastyrdy. Körmede şetelde, atap aitqanda Japonii, Niderland, BAÄ, Gruzii, Katar, Resei, Moñğolii, Özbekstan, Qyrğyzstanda tūratyn qazaq balalarynyñ öz qolymen salğan suretterı qoiyldy. Is-şarağa 500-ge juyq adam qatysty.

Pre-party keşıne Dimaştyñ älemnıñ är tükpırınen İspanii astanasyna arnaiy kelgen janküierlerı, Europanyñ 20-ğa juyq elınen kelgen qazaq diasporasynyñ basşylary jäne İspaniidağy otandastar jinaldy. Qūrmettı qonaqtar qatarynda Qazaqstan Respublikasynyñ İspanii Koroldıgındegı Tötenşe jäne Ökılettı Elşısı Danat Mūsaev jäne Elşılık qyzmetkerlerı boldy.

Körmenı «Otandastar qory» KeAQ Madridtegı qazaq mädeni ortalyğymen bırlesıp ūiymdastyrdy. «Qazaqstan – menıñ közımmen» baiqauyna jıberılgen jūmystarda şetelde ösıp jatqan qazaq balalary tarihi Otanyn, onyñ tabiğatyn, salt-dästürı men mädenietın öz közımen beineledı. Janküierler men şeteldık qonaqtar üşın būl suretter Qazaqstandy jaña qyrynan tanuğa mümkındık berdı.

Körmenıñ maqsaty – Qazaqstannyñ mädenietın, ūlttyq önerın, salt-dästürı men tarihi-mädeni mūrasyn halyqaralyq deñgeide nasihattau, sondai-aq şeteldegı qazaq mädeni ortalyqtarynyñ özara yntymaqtastyğyn nyğaitu. Keş barysynda Qoğamnyñ negızgı qyzmetterı men qazaq tılın üiretetın Abai instituty portaly beineprezentasii arqyly tanystyryldy.

Suret körmesı qazaq dästürı, ispan önerı men Dimaş şyğarmaşylyğy toğysqan keñ mädeni bağdarlamamen qatar öttı. Keş jas dombyraşylar Älinūr jäne Älihan Amangeldılerdıñ oryndauyndağy «Balbyrauyn» jäne «Er-Tūran» küilerımen aşyldy.

Sevilidağy El Boti flamenko mektebınıñ önerpazdary qazaqtyñ «AQERKE» halyq änıne flamenko stilınde bi qoiylymyn ūsyndy. «Naz» memlekettık bi teatrynyñ ärtısterı «Şaşu», «Qalyñdyq biı», «Aqqu», «Şerniiz» jäne «Samğau» bilerın körsettı. Dizainer Tärbie Aidymbaevanyñ TARBIYA brendı ūlttyq kiım ülgılerın tanystyrdy.

Balalarğa arnalğan bağdarlama aisynda «Türkı tıldes mūğalımderı» assosiasiisynyñ ökılı QR Ūlttyq akademiilyq kıtaphanasynyñ «Tättı ertegı» jobasymen şyqqan «Şahmatşy Qonjyq» ertegı kıtabyn jäne Tildes KZ söilesu klubyn tanystyrdy.

Keştıñ muzykalyq bölıgınde Jonhy Calleja, Janel Äli, Viryam Amor Ondas jäne Rachel Rustria Dimaş repertuarynan «Unforgettable Day», «Tau Ishinde», «Ave Maria», «SOS» sekıldı tuyndylardy oryndady. Janküierler «Living for the Game» kompozisiisyna arnaiy bi qoiylymyn daiyndady. Keş soñynda qatysuşylarğa estelık syilyqtar tabystaldy.

 

 

Madrid Fan Evening for Dimash Hosts Exhibition of Drawings by Kazakh Children Living Abroad