«Otandastar qory» KeAQ janyndağy Qoğamdyq komissiinyñ qyzmetı toqtatyldy

13 Nay'ryz 2026

 

«Otandastar qory» KeAQ Prezidentınıñ 2026 jylğy 13 nauryzdağy №24 būiryğyna säikes, Qoğam janyndağy Qoğamdyq komissii turaly Erejenıñ küşı joiylyp, Komissiinyñ qyzmetı 2026 jylğy 13 nauryzdan bastap toqtatyldy.

«Otandastar qory» KeAQ janyndağy Qoğamdyq komissii 2021 jylğy 29 qañtarda bekıtılgen Ereje negızınde qūrylyp, tūraqty jūmys ısteitın konsultativtık organ retınde qyzmet atqardy. Komissiinyñ negızgı maqsaty – şeteldegı otandastar men qandastardy qoldau mäselelerın talqylau jäne müddelı memlekettık organdarğa tiıstı ūsynystar men ūsynymdar engızu boldy.

Komissii qūramynda Parlament deputattary, elımızge belgılı memleket jäne qoğam qairatkerlerı, ğalymdar, aqyn-jazuşylar, saisattanuşylar men sarapşylar qoğamdyq negızde jüielı jūmys atqardy. Komissiiğa belgılı qoğam qairatkerı, saisi ğylymdarynyñ doktory Mūrat Baqtiirūly törağalyq ettı.

2019-2023 jyldar aralyğynda Komissii 11 otyrys ötkızıp, şeteldegı qazaqtardy qoldau jäne repatriasiilau salasyndağy özektı mäseleler boiynşa 40-tan astam sūraqty talqylady. Atap aitqanda, qandas märtebesın alu tärtıbın jetıldıru, «Ata joly» kartasyn jañartu, şeteldegı qazaq mektepterı men mädeni ortalyqtaryn qoldau, köşı-qon zañnamasyn jetıldıru siiqty bırqatar mañyzdy mäseleler boiynşa ūsynystar äzırlenıp, tiıstı memlekettık organdarğa joldandy.

Soñğy jyldary Qoğamnyñ strategiilyq qyzmetı tolyqtai şeteldegı otandastarmen jūmys jasauğa, iğni syrtqy bağytqa şoğyrlanğandyqtan, Komissiinyñ konsultativtık formattağy qyzmetı özektılıgın joğaltty. Sonymen qatar, 2024-2025 jyldary Komissii otyrystary ötkızılmedı. Osyğan bailanysty, Qoğamnyñ basqaru qūrylymyn oñtailandyru jäne qyzmet tiımdılıgın arttyru maqsatynda Komissiinyñ qyzmetın toqtatu turaly şeşım qabyldandy.

«Otandastar qory» Komissii qūramyna kırgen barlyq müşelerge köpjyldyq qoğamdyq jūmysy men qosqan ülesı üşın alğysyn bıldıredı.

Activities of the Public Commission under the «Otandastar Fund» NJSC have been discontinued