Parijde Europa qazaqtarynyñ basqosuy ötıp jatyr

23 Mamyr 2026

Qazaqstannyñ Fransiidağy Elşılıgınde Europa elderınde tūratyn otandastar men qandastardyñ basqosuy saltanatty türde aşyldy. Is-şara Qazaqstannyñ Fransiidağy Elşılıgı jäne Qyzylorda oblysy äkımdıgınıñ qoldauymen, «Otandastar qory» KeAQ men Qazaq-fransuz-türık qauymdastyğynyñ (AKFT Paris) bırlesken ūiymdastyruymen ötkızıldı.

Negızgı maqsaty – şeteldegı qazaq diasporasynyñ bırlıgın nyğaitu, tarihi Otanmen bailanysty damytu jäne mädeni-gumanitarlyq yntymaqtastyqty damytu.

Is-şaranyñ aşyluynda Qazaqstannyñ Fransiidağy Tötenşe jäne Ökılettı Elşısı Gülsara Arystanqūlova, Qyzylorda oblysy äkımınıñ orynbasary Ardaq Zebeşev, «Otandastar qory» KeAQ vise-prezidentı Alibek Jūrqadam, Türkiinyñ Ädılet jäne damu partiisy törağasynyñ orynbasary Raşida Uksel, Qazaq-fransuz-türık qauymdastyğynyñ törağasy Rejep Gunai jäne «Tildes KZ» Speaking jobasynyñ jetekşısı Larisa Aldabergenova söz söiledı.

Qazaqstan Elşısı öz sözınde Parij törınde būl basqosudyñ şeteldegı qazaqtardyñ ruhani bırlıgın nyğaitatyn mañyzdy alañğa ainalğanyn atap öttı. Ol qazaq halqynyñ tarihi tamyry Altyn Orda mūrasymen sabaqtas ekenın aityp, bügınde Qazaqstannyñ Europa men Aziiny jalğaityn senımdı köpır retındegı rölı artyp kele jatqanyn erekşe jetkızdı. Sonymen qatar, ana tıl, ūlttyq ruh jäne tarihi jady barşa qazaqty bırıktıretın basty qūndylyqtar ekenın nazar audardy.

Jiyn aisynda «Otandastar qory» KeAQ qazaq qauymdastyqtarynyñ jetekşılerı men belsendılerınıñ qatysuymen döñgelek üstel ötkızdı. Kezdesu barysynda «Otandastar qory» KeAQ vise-prezidentı Alibek Jūrqadam ūiymnyñ qyzmetı men jüzege asyryp jatqan jobalary turaly aqparat berıp, qatysuşylardy ortaq bastamalarğa belsendı qatysuğa şaqyrdy. Sondai-aq, qatysuşylar aldağy kezeñdegı bırlesken jobalar men yntymaqtastyq bağyttaryn talqylady.

Bağdarlama aisynda Qyzylorda oblystyq filarmoniisynyñ önerpazdary konserttık bağdarlama ūsynyp, öñır qolönerşılerı ūlttyq qolöner būiymdarynyñ körmesın ūiymdastyrdy.

23-24 mamyr künderı Qazaq-fransuz-türık qauymdastyğynyñ (AKFT Paris) ūiymdastyruymen Europa qazaqtarynyñ qūryltaiy ötedı. Qūryltai aisynda AKFT qauymdastyğy Garj-le-Goness qalasynda Europadağy qazaq jastary arasynda futbol turnirın, sondai-aq mädeni-köpşılık ıs-şaralar men ūlttyq mädenietke arnalğan arnaiy bağdarlama ūiymdastyrady.

Basqosuğa Ūlybritanii, Germanii, Niderland, Finlindii, İspanii, Norvegii, Şveisarii, Fransii, Chehii, İtalii, Portugalii, Polşa, Şvesii, Danii, Belgii, Majarstan, Türkii men Moñğoliidan kelgen qazaqstandyqtar men qandastar qatysty.

 

Sūraqtar boiynşa:

«Otandastar qory» KeAQ baspasöz hatşysy

Aljan Şaripov, +7 775 510 5191

alzhan.sharipov@gmail.com

European Kazakh Convention Underway in Paris