ŞETELDEGI OTANDASTARDY QOLDAU: «OTANDASTAR QORY» MEN HKQŪ YNTYMAQTASTYĞY

13 Aqpan 2026

 «Otandastar qory» KeAQ pen Halyqaralyq köşı-qon ūiymy Astana qalasynda özara tüsınıstık turaly memorandumğa qol qoidy.

Memorandumğa «Otandastar qory» KeAQ prezidentı Daniir Qadyrov jäne Halyqaralyq köşı-qon ūiymynyñ Qazaqstandağy missiisynyñ basşysy, Qyrğyzstan, Täjıkstan, Türkımenstan jäne Özbekstan boiynşa üilestıru funksiilary bar keñsenıñ basşysy Serhan Aktoprak qol qoidy.

Memorandum şetelde tūratyn etnikalyq qazaqtarmen, būrynğy otandastarmen jäne Qazaqstan azamattarymen özara ıs-qimyldy nyğaituğa, köşı-qon salasyndağy täjıribe almasuğa, sondai-aq diasporany Qazaqstannyñ ūzaq merzımdı damu maqsattaryna tiımdı integrasiilauğa bağyttalğan.

Qūjat aisynda taraptar şeteldegı otandastarmen ekonomikalyq, mädeni-gumanitarlyq jäne äleumettık bailanystardy damytuğa bağyttalğan bağdarlamalardy äzırleudı, köşı-qon zañnamasy boiynşa aqparattyq-konsultasiilyq qoldau körsetudı, onyñ ışınde tarihi-etnikalyq otanyna qonys audaru mäselelerın qamtudy közdeidı.

Sonymen qatar, mädeni, bılım beru jäne ğylymi ıs-şaralardy bırlesıp ūiymdastyru, köşı-qon derekterımen almasu jäne bırlesken zertteuler jürgızu, migranttar men diasporağa arnalğan aqparattyq nauqandar men konsultasiilyq qyzmetterdı keñeitu, sondai-aq halyqaralyq ūiymdarmen bırlesken jobalardy üilestıru josparlanyp otyr.

Atalğan memorandum taraptardyñ äleumettık tūtastyqty nyğaituğa, ekonomikalyq mümkındıkterdı keñeituge jäne şetelde tūratyn otandastardy Qazaqstannyñ ūzaq merzımdı damu prosesıne tartuğa degen ortaq ūmtylysyn körsetedı.

SUPPORTING COMPATRIOTS ABROAD: PARTNERSHIP OF OTANDASTAR FOUNDATION AND IOM