Öskemende etnikalyq qazaq jastarymen kezdesu öttı

28 Aqpan, 2020

Öskemendegı S.Amanjolov atyndağy Şyğys Qazaqstan memlekettık universitetınde «Etnikalyq qazaq studentterge qūqyqtyq tüsındırme jūmysynyñ mañyzdylyğy» taqyrybynda kezdesu öttı.

Dünie jüzı qazaqtary qauymdastyğy Şyğys Qazaqstan oblystyq filialy jäne «Otandastar» qorynyñ front-ofisı ūiymdastyrğan şarağa joğaryda atalğan oqu ornynda Moñğolii jäne Qytai elınen kelıp bılım alyp jatqan 150-den astam student jastar qatysty.

Sonymen qatar jiynğa oblystyq Işkı saisat basqarmasynyñ Jastarmen jūmys bölımınıñ basşysy Erkebūlan Baltabekov, Köşı-qon polisiisynyñ ağa inspektory Ruslan Hasenov, oblystyq Äleumettık bağdarlamalardy üilestıru basqarmasynyñ köşı-qon bölımınıñ bas mamany Dana Qabdullina, osy universitettıñ oqytuşylary Aiymgül Seiputanova, Beibıtgül Şürşıtbai qatysyp, oi-pıkırlerın ortağa saldy.

Kezdesudı Dünie jüzı qazaqtary qauymdastyğy oblystyq filialynyñ orynbasary, «Otandastar» qorynyñ front-ofisınıñ bas sarapşysy Huanbai Äskerhan aşyp, front-ofistıñ qyzmetıne jan-jaqty toqtaldy.

Ol öz sözınde: «Front-ofis qandastarğa aqparattyq-qūqyqtyq kömek berıp, köşı-qon salasyndağy zañnamalardy jäne köşı-qonğa qatysty memlekettık bağdarlamalardv tüsındırıp, qandastardy ekonomikalyq tūrğydan qoldauğa nazar audarady. Özge memleketterdegı qazaq jastarynyñ tarihi otanynda bılım alyp jatuynyñ özı ülken abyroi. Būl Qazaqstannyñ şettegı qazaqtarğa degen qamqorlyğynyñ naqty körınısı» dedı.

Jiynda är salanyñ mamandary öz salasy boiynşa aqparattyq tüsındırme jürgızdı. Jastar tarapynan köptegen saualdar qoiyldy. Mamandar jastardyñ sūraqtaryna naqty jauap berıp, kei mäseleler boiynşa studentter jeke keñes aldy. Sonymen qatar bırqatar mañyzdy saualdar (oblys boiynşa köşıp kelu jeñıldıgınıñ igerluıne qatysty qandastardy qabyldauğa qosymşa qarjy sūrau, studentter tūraqty tırkeuge yqtiirhatqa oqu orny boiynşa tırkelu) DQQ «Otandastar» qoryna joldanatyn boldy.