2024 jylğy 24 tamyz – 30 tamyz aralyğynda «Otandastar qory» KeAQ Qoğam prezidentı D.Qadyrov pen Taldau jäne strategiilyq damu departamentınıñ jobalar üilestıruşısı Q.Qoblandin Qytaidyñ Etnikalyq azşylyqtarynyñ syrtqy ıster jönındegı qauymdastyğynyñ şaqyruymen Pekin jäne Şyñjan aimağynyñ ortalyğy Ürımşı qalalarynda ıssaparda boldy.
Issapar barysynda Şyñjan aimağynyñ ortalyğy Ürımşı qalasynda qazaq diasporasynyñ ökılderımen jäne belsendılermen kezdesu öttı.
26 tamyzda qazaqstandyq delegasii – «Otandastar qory» KeAQ prezidentı D.Qadyrov pen Qoğamnyñ taldau jäne strategiilyq damu departamentınıñ jobalar üilestıruşısı Q.Qoblandin jäne Qazaqstan Elşısı Ş.Nūryşev Qytaidyñ Ūlttar ısterı jönındegı memlekettık komitet törağasy Pan Ue, Komitettıñ halyqaralyq qatynastar jäne yntymaqtastyq departamentınıñ basşysy Vei Gosunmen kezdestı.
Pan Ue qazaqstandyq delegasiiny jyly şyraimen qarsy alyp, ötken jyly Qazaqstanğa barğan ıssaparyn, kezdesulerden alğan äserlerın ıltipatpen eske alyp, Ūlttar komitetınıñ qyzmetımen tanystyrdy.
26 tamyzda Elşılıktıñ ūiymdastyruymen qazaq ziilylary, Qytai halyq jazuşysy Akbar Majit, Ūlttar baspasy ardagerı Äldeqap jäne Ūlttar ısterı komitetınıñ ädebi bölımınıñ qyzmetkerı Baqytbekpen beiresmi kezdesu öttı. Kezdesu barysynda «Otandastar qory» KeAQ qyzmetı, köşı-qon turaly aqparattar tanystyryldy. Negızınen Qoğamnyñ qyzmetı, äsırese şeteldegı qazaq balalarynyñ oquğa tüsuıne qoldau körsetuı erekşe oñ bağalanuda. Şyñjannan Qazaqstanğa baru/kelude, qūjat tapsyruda qiynşylyqtar bar ekenın tılge tiek ettı. Akbar Majit 2023 jyly Astanada ötken «Otandastar forumy», sondağy ağaiyn-bauyrlarmen kezdesulerınen ülken äser alğanyn aitty.
Sapar barysynda qytai tarapyna «Otandastar qory» qoğamynyñ maqsaty men mındetterı, negızgı bağyttary - Qytaidağy qazaq qauymdastyğynyñ mädeni-ruhani qūndylyqtaryn Qazaqstanda keñınen taratu, ekı el arasyndağy mädeni-gumanitarlyq bailanystardy nyğaituğa at salysatyndyğy aitylyp, Qoğam öz jūmysyn aşyq, resmi tūrğyda jürgızetındıgı atap körsetıldı.