Qazaqstan Respublikasy halyqaralyq bizneske jaqyndai tüsu jolynda tağy bır mañyzdy qadam jasady. QR Syrtqy ıster ministrlıgınıñ bastamasymen elımızdıñ investisiilyq tartymdylyğyn arttyruğa jäne ūzaq merzımdı ıskerlık serıktestıktı qoldauğa bağyttalğan investorlyq vizany alu qağidalary bekıtıldı.
Jaña talaptarğa säikes Qazaqstan kompaniilarynyñ jarğylyq kapitalyna nemese otandyq bağaly qağazdarğa kemınde 300 000 AQŞ dollary kölemınde investisii salğan şetel azamattary investorlyq vizany resımdeu üşın elektrondy ötınış bere alady. Būl «altyn viza» Qazaqstanda 10 jylğa deiın tūruğa rūqsat alu mümkındıgın közdeidı.
Mūndai vizalyq bağdarlamalar halyqaralyq täjıribede (sonyñ ışınde Europa elderı, AQŞ, BAÄ jäne Singapurda) keñınen qoldanylyp, kapital, tehnologii men ıskerlık belsendılıktı tartudyñ nätijelı qūraly retınde öz tiımdılıgın däleldedı. Qazaqstan osy täjıribege qosylyp, investisiilyq rezidenttıktıñ özındık modelın ūsynady.
«Altyn vizalar» şeteldık investorlar üşın qolaily ärı boljamdy orta qalyptastyryp, zañdy kepıldıkter beruge jäne eldıñ investisiilyq ahualyna senımdı nyğaituğa bağyttalğan. Būl jaña bastama eldıñ aşyqtyqqa, kapitaldy qorğauğa jäne tūraqty halyqaralyq ekonomikalyq bailanystardy damytuğa bağyttalğan strategiilyq bağdaryn körsetedı.
Qūjat resmi jariilanğannan keiın 10 kün ötken soñ öz küşıne enedı.