Reseidıñ İşim qalasynda «Qazaq tılın oqytu» synyby aşylady

18 Aqpan, 2020

2020 jyldyñ 18 aqpanynda «Otandastar qory» KEAQ-ta Resei Federasiisynyñ İşim qalasyndağy (Tümen oblysy) qazaqtardyñ ūlttyq-mädeni avtonomiisyn aşuğa mūryndyq bolğan, 20 jyldan berı sol qoğamdyq ūiymğa jetekşılık etıp jürgen  ūltjandy qandasymyz Jamili Murzanova arnaiy keldı. Ūiymda atqarylyp jatqan ıs-şaralarymen tanystyrğan belsendı qandasymyz 2020 jyldyñ 21 aqpanynda İşim qalasynda «Qazaq tılın oqytu» synyby aşylatyny turaly mälımdedı.

Öz kezegınde «Otandastar qorynyñ» vise-prezidentı Mağauii Sarbasov aşylaiyn dep jatqan synyptyñ qadamyna sättılık tılep, qordyñ basym bağyttarymen jäne basty jobalarymen tanystyrdy. Alys-jaqyn şetelderde qazaq mädenietı men ūlttyq salt-dästürımızdı därıptep, ana tılımızdı, qazaq ädebietı men tarihyn etene tanystyru mäselelerı turaly aitty.  

«Otandastar qorynyñ» Mädeni-gumanitarlyq jobalar departamentı Tümen oblysyndağy qazaqtardyñ ūlttyq-mädeni avtonomiisyna demeuşılerdıñ qoldauymen daiyndalğan baspa önımderı (körkem ädebi kıtaptar, qazaqşa-orysşa sözdıkter, oqulyqtar, körnekı qūraldar men jurnaldar), ūlttyq kiımder, qymyz ışetın ūlttyq ydys-aiqtar, körpe-tösek, qazaq tılın üiretuge arnalğan audiojazba diskıler men bağaly syikädelerdı tartu ettı.

İşim qalasynda qandastarğa arnalğan qazaq tılı ortalyğyn aşqaly otyrğan otandasymyz, tıl janaşyry Jamili hanym qūndy dünieler tabystağan «Otandastar qoryna» rizalyq bıldırıp, alğysyn jetkızdı.