«Otandastar» qorynda üşjaqty kezdesu öttı

16 Aqpan, 2020

«Otandastar» qorynyñ basty maqsatynyñ bırı - Qazaqstanğa köşıp kelgen qandastarymyzdyñ käsıpkerlıkpen ainalysuyna kömek körsetıp, müddesın qorğau.

Osyğan orai «Otandastar qory» KEAQ-tyñ bırınşı vise-prezidentı Talğat Aduov, Biznes jäne jobalardy akselerasiilau departamentınıñ basqaruşy direktory Ğaziz Tastaev elımızge alğaş qonys audarğan «Şymkent Kaşemir» JŞS-nıñ jün öñdeu zauytynyñ basşysy Şağanbek Qanjarbaiūly jäne Koreidan qūral äkelıp, elde joq «Aq-mañdai» şūlyq şyğaratyn käsıporyn basşysy Toqtağan Bırjanūlymen kezdestı.

Kezdesu barysynda öndırıs salasyndağy köptegen özektı mäseleler talqylandy. «Şymkent Kaşemir» zauyty boiynşa qylşyq jündı öñdep, eksportqa şyğaru kezındegı kedergılerdı şeşu joldary qarastyryldy.

Üşjaqty kezdesu nätijesınde «Şymkent Kaşemir» men «Aq Mañdai» käsıporyndary özara kelısımge kelıp, aldağy uaqytta bırlesıp jūmys jürgızudı josparlap otyr.

«Şymkent Kaşemir» jäne «Aq-mañdai» kezdesuıne sebepker bolğan «Otandastar qory» qandastarymyzdyñ käsıppen ainalysyp, osy salada tuyndağan mäselelerın şeşuge septıgın tigızudı ary qarai jalğastyrady.