«Otandastar qory» KEAQ janyndağy Qoğamdyq Komissiisy III otyrysynyñ hattamasynan üzındı

19 Jeltoqsan, 2019

«Otandastar qory» kommersiilyq emes aksionerlık qoğamy janyndağy Qoğamdyq Komissiisy III otyrysynyñ HATTAMASYNAN ÜZINDI

2019 jylğy 19 jeltoqsan, Sağat 16.00

Qatysqandar:

QR Aqparat jäne qoğamdyq damu ministrlıgınıñ Etnosaralyq qatynastardy damytu departamentınıñ direktory – Ğ. Şoikin, QR Syrtqy ıster ministrlıgınıñ qazaq diasporasymen jūmys jasau basqarmasynyñ basşysy – M. Kärıbai, «Otandastar qory»  KEAQ (ärı qarai - Qoğam) jäne «Düniejüzı qazaqtary qauymdastyğy» RQB-nyñ qyzmetkerlerı, Qoğamdyq Komissiisynyñ müşelerı (tızım boiynşa).

Moderator – M. Baqtiirūly, Qoğamdyq Komissiinyñ törağasy, QR Parlamentı Senatynyñ Äleumettık – mädeni damu jäne ğylym komitetınıñ törağasy.

KÜN TÄRTIBI:

1.    «Otandastar qory» KEAQ-nyñ şeteldegı qazaqtardy qoldau bağytyndağy atqarylğan jūmystarynyñ esebı - «Otandastar qory» KEAQ vise – prezidentı M. Sarbasovtyñ baindamasy;
2.    QR Syrtqy ıster ministrlıgınıñ qazaq diaspora mäselelerı boiynşa atqaryp jatqan jūmystary turaly - QR Syrtqy ıster ministrlıgınıñ qazaq diasporasymen jūmys jasau basqarmasynyñ basşysy – M. Kärıbaidyñ baindamasy.
_______________________________________________________________

Qoğamdyq Komissiinyñ 3 otyrynda Otandastar Qory tarapynan 2019 jyly jüzege asyrylğan jobalar,  olardyñ nätijelerı, otandastarmen jūmys jasaudyñ 2020 jylğa arnalğan jospary jaily Qoğamnyñ vise prezidentı M. Sarbasov baindama jasady.

Bügınde Qoğam memlekettık mekemelermen, biznes ortamen jäne qoğamdyq ūiymdarmen tyğyz bailanys ornatqan qūzyrly qūrylymğa ainaldy. Şeteldegı Otandastarymyzben bailanystardy nyğaitu maqsatynda bırneşe auqymdy  halyqaralyq ıs-şaralar (kışı qūryltai, biznes - forumdar, konsertter, «Otandastar. Bolaşaqqa bağdar» atty halyqaralyq döñgelek üstel jäne t.b.) ötkızılıp, 2019-2022 jyldarğa arnalğan damu josparyna säikes bırqatar jobalar jüzege asyryldy.

Qoğam tarapynan şetelde tūratyn qazaqtardyñ mäselelerın zertteu boiynşa jiyntyq-taldamalyq zertteuler men otandastardy Otanyna qaitarudyñ memlekettık qoldaudyñ halyqaralyq täjıribesın zerdeleu jobalary jürgızıldı. Nätijesınde Şeteldegı qazaqtardy jäne erıktı qonys audarudy qoldaudyñ şaralar keşenıne ūsynymdar äzırlendı.

Komissii otyrysynda kün tärtıbıne säikes, QR Ükımetınıñ 2018 jylğy 18 mamyrdağy №280 Qaulysymen bekıtılgen Şeteldegı etnikalyq qazaqtardy qoldau jönındegı 2018-2022  jyldarğa arnalğan ıs-şaralar jospary boiynşa QR Syrtqy ıster ministrlıgınıñ şet elderdegı qandastarymyzben jürgızılıp jatqan jūmystar jaily QR Syrtqy ıster ministrlıgınıñ qazaq diasporasymen jūmys jasau basqarmasynyñ basşysy – M. Kärıbaidyñ baindamasy tyñdaldy.

Komissii müşelerı tarapynan şet elderdegı qandastarymyzdy qoldau boiynşa türdı ūsynystar ortağa salyndy. Solardyñ qatarynda:

- Qazaqstannyñ eñbek sıñırgen qairatkerı, Tarih ğylymdarynyñ doktory, professor S. Qarjaubai - Qazaqstandyq joğary oqu oryndaryna tüsetın şeteldegı qazaq balalarynyñ sany azaiyp barady. Osy jağdaidyñ strategiisyn pysyqtaudy;

- «Otandastar qory» KEAQ prezidentınıñ keñesşısı Q. Qoblandin - Monğoliida 400-den astap telearna bar. Alaida Qazaqstannyñ bağdarlamalary köp jerlerde körsetpeidı, öitkenı signal Reseidıñ Imal sputnik jüiesı arqyly taraidy. Osy mäselenı AQDM arqyly şeşu;

- «Astana» Halyqaralyq  universitetınıñ strategiilyq damu jönındegı vise-prezidentı  B. Somjürek - Astana halyqaralyq universitetı tarapynan şeteldegı qazaq jastarynyñ Nūr-Sūltan qalasynda basyn qosyp, «Bırınşı halyqaralyq Forum» ötkızu jäne t.b. ūsynystar aityldy.

Qoğamdyq Komissiinyñ 3 otyrysyn qorytyndylai kele, M. Baqtiirūly, Qoğamdyq komissiinyñ 2020 jylğy jūmys josparyna QR BĞM, MSM, IIM jäne EÄQM jauapty qyzmetkerlerınıñ otyrys barysynda köterılgen mäseleler boiynşa baindamasyn engızudı tapsyrdy.

Komissii otyrysynyñ kün tärtıbınde belgılengen barlyq mäseleler qaralyp, komissii müşelerı tarapynan aitylğan ūsynystar tyñdalyp, hattamağa engızıldı.