Menıñ missiim ūlttyq stildegı dünielerdı satu emes, etno-dizaindy jañğyrtu

28 Nay'ryz, 2024

Aidana Erımbet – Türkıstan oblysynyñ tumasy. Köpbalaly otbasynan şyqqan. Ol – ūlttyq önerdı damytyp, nasihattap jürgen etno-dizainer. Qazaqstandyq dizainerdıñ qolynan şyqqan ūlttyq stildegı qolöner būiymdary Dubai Design Week-ke körmesıne qoiylğan. Jerlesımızdıñ önerıne şetelden qyzyğuşylyq tanytqandar bar, atap aitqanda, Qatar elınen sūranys tüsken.

«Äkemnıñ memlekettık qyzmetıne bailanysty elımızdıñ bırqatar qalasynda tūrdyq. Qazır Astananyñ tūrğynymyn. Oquşy kezımde orta mektep pen körkemöner mektebınde oqydym. 9 synyptan keiın äkemnıñ keñesımen Astanadağy politehnikalyq kolledjdıñ interer-dizain mamandyğyna tüstım.

Äkem şyğarmaşylyğyñmen qatar basqa da talantyñdy aşasyñ degen-tūğyn. Kolledj bıtırgen soñ mende ekı tañdau tūrdy, bırı – «Şabyt» öner universitetıne tüsu, ekınşı tañdau – jūmys ıstep, alystan arhitektura mamandyğyn meñgeru. Kolledjden keiın elordada studiida jūmys ıstedım, täjıribe jinai kele, özımnıñ studiim bolğanyn qaladym», - dedı Aidana Erımbet.

Etno-dizain

Aidana suret, dizain salasyna bala künınen qyzyqqan. 

«Onyñ ışınde etno-dizain bala kezımnen tanys dünie. 7 synypqa deiın qazaq biımen ainalystym, odan bölek, qazaq änderı men küi tyñdap öskem. Sondyqtan ūlttyq öner boiyma bala künımnen sıñgen.

Kolledjde oqyp jürgende kurstyq, diplomdyq jūmystarym qazaqy naqyştağy interermen bailanysty boldy. Jūmys ıstei bastağanda da qazaqi jobalardy, senıñ jüregıñe jaqyn ğoi dep mağan tapsyratyn. Uaqyt öte kele etno-interer dizain salasynda tanyla bastap, öz käsıbımdı jürgızudı qolğa aldym.

Ou-örnek, şañyraq, jylqy, sol sekıldı ūlttyq naqyştardy sän, interer, grafikalyq basqa da salada qoldanuğa bolady. Bıraq, būl jeñıl assosiasii, menıñ maqsatym – ūlttyq naqyştardy, salt-dästürdı, tarihty, mädeniet pen önerdı zertteu arqyly tereñırek qoldanu. Iğni, mağynaly jobalardy jüzege asyru. Odan bölek, ūlttyq stildı ötken tarihpen, adamnyñ şyqqan tegı, atadan balağa kele jatqan mūra, būiym, zattarmen bailanystyruğa da bolady», - deidı ol.

etno-dizain

Onyñ aituynşa, etno-interer, dizain salasynda köneden qalğan kiız üi, balbaltastar men petroglifterdı oryndy qoldanu arqyly qazaq önerın damytyp, nasihattauğa bolady.

«Mağan qonaqüidıñ VIP nömırlerınıñ intererın daiyndau būiyrdy, ol jerde de ūlttyq stildı qoldanuğa bolady. Mysaly, tarihqa jügınsek, qazaqtyñ han, sūltandary men bai-quatty adamdary ädemı kiız üide, erekşe stildegı kiımder kiıp, qolöner būiymdaryn qoldanğan.

Qonaq üidıñ VIP nömırlerındegı keruettıñ joğary jağyn hannyñ tağy sekıldı dizainda jasap, keremet bır dünie şyğardym. Odan bölek, ūlttyq naqyştar men stildı qoğamdyq oryndarda da sättı paidalanuğa bolady. Qazırgı tañda etno-dizain damyp kele jatyr, sondyqtan är dünienıñ erekşe, qaitalanbas bolğany abzal», - deidı dizainer.

Etno-dizain

Sondai-aq atalğan maman etno-dizaindağy būiym, zattardyñ sūranysqa ie bolyp kele jatqanyn aitty. 

«Äsırese, tūrmys zattary, iğni, jihaz, üstel, oryndyqtar, ydys-aiq, şamdar tağy basqa. Tağy bır baiqağanym, qazır är otbasy üiınde qazaqi stilde bır dünienıñ bolğanyn qalaidy. Bıraq, būny trend dep aita almaimyn, degenmen ürdıs bar. Ūlttyq öner arqyly etno-dizainy tanytu, damytu özımızden bastalady», - deidı A. Erımbet.

qolöner

Odan bölek, etno-dizainer ūlttyq stildegı būiymdar nege qymbat degen pıkırge qatysty oiymen bölıstı. 

«Ūlttyq būiymdar qūndy boluy kerek dep oilaimyn. Onyñ üstıne qazır ūlttyq stilde degen ataumen mass-market qaptap kettı. Keide tıptı būiym, zattardyñ bır-bırınen aiyrmaşylyğy joq. Al etno-dizaindy rasymen damytamyz desek, ol eren eñbek pen ızdenıstı qajet etedı.

Menıñ missiim – ūlttyq stildegı zattar men basqa da dünielerdı jasap, satyp, tabys tabu ğana emes, ūmytylyp bara jatqan qolöner türlerın, etno-dizaindy saqtap, qaita jañğyrtu. Bız ūlttyq naqyştağy zattar men būiymdardy köneden kele jatqan tehnologiiğa süiene otyryp jasaimyz. Ol şeberlık pen uaqytty talap etedı.

Tağy bır jait, bızdıñ etno-dizainda jasap şyğaratyn dünieler şekteulı kölemde. Sondai-aq ūlttyq naqyştağy būiymdardy jasauğa memlekettıñ, investorlardyñ qoldauynsyz öz qarajatymyzdy jūmsaimyz», - deidı ol.

inform.kz