Шанхай қалалық тарих музейі мен Алматы музейлер қауымдастығының ұйымдастыруымен Шанхай төрінде Қазақстанның этнографиялық мәдени көрмесі өз есігін ашты - деп хабарлайды Онлайн Халық газеті. 

Ежелгі Жібек жолының маңызды торабы саналатын еліміздің бай тарихын таныстыруға арналған бұл шараға 100-ден астам бірегей экспонат қойылған. Көрме көрермендерге қола дәуірінен бүгінге дейінгі мәдени даму кезеңдерін жүйелі түрде ұсынып, көшпелі халықтардың тұрмыс даналығын, қолөнер эстетикасы мен бай рухани әлемін паш етеді.

Екі ел арасындағы мәдени байланысты нығайтатын бұл ауқымды экспозиция 30 тамызға дейін жалғасады. Айта кетейік, 2025 жылы Шанхай мен Алматы қалалары ресми түрде бауырлас қалалар атанған болатын.

Дереккөз: Онлайн Халық газеті