ҚР Ұлттық академиялық кітапханасында "Отандастар" оқу залы ашылды. Жаңа залдың ашылуы "Отандастар" Қорының, Дүниежүзі қазақтары қауымдастығының және ҚР Ұлттық Академиялық кітапханасының бастамасымен өтті. Іс - шара барысында "Қазақ әлемі" - "Мир казахов"кітаптары таныстырылды.

Айта кетейік, Ұлттық академиялық кітапханада "Отандастар"сандық кітапханасы құрылды. Онда қазақ диаспорасы туралы шетел әдебиеті мен отандастарымыздың шығармалары ұсынылған.

Қазіргі уақытта кітапхана қорында 2000-нан астам кітап бар. Қазіргі таңда барлық әдебиеттер "Қазақстанның Ұлттық электронды кітапханасы"техникалық платформасында цифрландырылған. Бұл біздің отандастарымызға әлемнің кез-келген жерінде кез-келген кітапты оқуға мүмкіндік береді.