2026 жылдың 24 ақпан күні Л.Н. Гумилев атындағы Еуразия ұлттық университетінде «Марко Полоның саяхаттары» (1559) кітабының тұсаукесері өтті. Бұл кітаптың қазақ тіліне жасалған алғашқы аудармасын Баян-Өлгийден келген зерттеуші және аудармашы Райма Ауесхан орындады. Ғасырлар бойы әлем оқырманына жол тартқан тарихи еңбек енді қазақ тілінде жарық көрді.

Іс-шараға Ка-Фоскари университеті (Венеция) өкілдері, «Отандастар қоры» КЕАҚ вице-президенті Алибек Жұрқадам, Назарбаев Университеті өкілдері және ЕҰУ профессор-оқытушылар құрамы мен зерттеушілер қатысты.

Аталған жоба Қазақстан мен Италия арасындағы мәдени-гуманитарлық байланысты нығайтып, халықаралық ғылыми ынтымақтастықтың дамуына серпін береді.

Тарих пен өркениеттерді тоғыстырған бұл еңбек қазақ оқырманы үшін тың таным мен жаңа көзқарасқа жол ашады.