2018-2022 жылдарды қоса алғанда "Отандастар қоры" КЕАҚ құжаттарын ғылыми-техникалық өңдеуді жүргізу жөніндегі қызметтерге техникалық ерекшелік
2018-2022 жылдарды қоса алғанда"Отандастар қоры" КЕАҚ құжаттарын ғылыми-техникалық өңдеуді жүргізу жөніндегі қызметтерге техникалық ерекшелік (бұдан әрі-техникалық ерекшелік)
2018-2022 жылдарды қоса алғанда "Отандастар қоры" КЕАҚ құжаттарын ғылыми - техникалық өңдеу қызметтерін (бұдан әрі – қызметтер) көрсету талап етіледі.
Әлеуетті орындаушы қызмет көрсету кезінде келесі Қазақстан Республикасы нормативтік-құқықтық актілерінің талаптарын басшылыққа алуға тиіс:
1) «Ұлттық архив қоры және архивтер туралы» 1998 жылғы 22 желтоқсандағы № 326-I ҚР Заңы;
2) ҚР Мәдениет және спорт министрінің 2023 жылғы 25 тамыздағы № 236 бұйрығымен бекітілген Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидалары;
3) ҚР Мәдениет және спорт министрінің 2023 жылғы 25 тамыздағы № 235 бұйрығымен бекітілген Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидалары;
4) ҚР Мәдениет және спорт министрінің м. а. 2017 жылғы 29 қыркүйектегі № 263 бұйрығымен бекітілген сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесі (2023 жылғы 29 маусымдағы өзгерістермен)
5) ҚР СТ 1037-2001 «Іс жүргізу және мұрағат ісі Терминдер мен анықтамалар»;
6) ҚР Мәдениет және спорт министрінің 2023 жылғы 9 тамыздағы № 215 бұйрығымен бекітілген Ұлттық архив қорының құжаттарын және басқа да архивтік құжаттарды мемлекеттік және арнаулы мемлекеттік архивтердің жинақтау, сақтау, есепке алу мен пайдалану қағидалары.
Қызметтердің сипаттамасы
Қызметтер мыналарды қамтиды:
1) 2018 жылдан 2022 жылға дейінгі жылдар бойынша істер мен құжаттарды ретке келтіру;
2) 2018-2022 жылдардан бастап тұрақты және уақытша сақтауға жататын құжаттардың құндылығына сараптама жүргізу;
3) 2018-2022 жылдардан бастап жұмыстан босатылған қызметкерлердің жеке құрамы мен жеке істері бойынша тұрақты, уақытша сақтау істерінің тізімдемесін жасау;
4) жұмыстан босатылған қызметкерлердің жеке құрамы мен жеке істері бойынша тұрақты сақтау істеріне ішкі тізімдеме жасау;
5) істердің тақырыптарын жасау;
6) титулдық және куәландыру парақтарын ресімдеу;
7) жеке құрам бойынша тұрақты сақтау істерін картоннан жасалған қатты мұқабаға, уақытша сақтауға және жұмыстан босатылған жұмыскерлердің жеке істерін жұмсақ мұқабаға тігу (байланыстырғыштан);
8) жұмыстан босатылған қызметкерлердің жеке құрамы мен жеке істері бойынша тұрақты сақтау істеріндегі парақтарды нөмірлеу;
9) істердің мұқабаларын ресімдеу;
10) істерді мұрағат қораптарына орналастыру;
11) алғы сөз және тізімдемеге тарихи анықтама жасау;
12) сақтау мерзімі өткен құжаттар мен істерді жоюға бөлу туралы акт жасау (бар болған жағдайда);
13) сақтауға жатпайтын құжаттар мен істерді кәдеге жарату (қажет болған жағдайда).
2. Қызмет көрсету нәтижелері
Әлеуетті орындаушы осы техникалық ерекшелікте белгіленген мерзімнен кешіктірмей Тапсырыс берушіге көрсетілген қызметтердің мынадай нәтижелерін беруге тиіс:
1) тарихи анықтама және тізімдемеге алғы сөз;
2) тұрақты және уақытша сақтау істерінің, жеке құрам бойынша, жұмыстан босатылған жұмыскерлер бойынша істердің тізімдемесі;
3) жеке құрам бойынша, жұмыстан босатылған қызметкерлер бойынша тиісті түрде ресімделген және мұрағат қораптарына оралған тұрақты, уақытша сақтау істері;
4) сақтау мерзімі өткен құжаттар мен істерді жоюға бөлу туралы акт (бар болған жағдайда);
5) cақтауға жатпайтын құжаттар мен істерді жою актісі (қажет болған жағдайда);
6) сақтау мерзімі өткен құжаттар мен істерді жоюға бөлу туралы ұйымның сараптама комиссиясының хаттамасы (бар болған жағдайда) және жергілікті мұрағат мекемесімен келісу (қажет болған жағдайда).
3. Құпиялылық
Қызметтік және коммерциялық құпияны құрайтын ақпарат, сондай-ақ қағаз тасығыштағы өзге де құпия ақпарат қатаң құпиялылық жағдайында сақталуға тиіс және қандай да бір тұлғаға Тапсырыс берушінің алдын-ала жазбаша келісімінсіз қандай да бір тәсілмен сатуға, айырбастауға, жариялауға немесе ашуға жатпайды.
Мұрағаттық құжаттарға қолжетімділік берілгенге дейін, қызметтер көрсету туралы шарт бойынша міндеттемелерді орындау үшін Өнім беруші құпия ақпаратты/заңмен қорғалатын құпияны жария етпеу туралы жазбаша міндеттеме беруге міндетті.
4. Қызметтердің көлемі мен құны
Әлеуетті өнім беруші қызметтер құнына Қызметтерді көрсетуге байланысты барлық шығыстарды (оның ішінде шығыс материалдары) енгізуге және өңделген (дайын) істің 1 (бір) бірлігінің құжаттарын ғылыми-техникалық өңдеу қызметін көрсетуге коммерциялық ұсыныс беруге тиіс.
Ғылыми-техникалық өңдеуге жататын көлем:
1) құжаттар 600 папка (регистр);
2) жұмыстан босатылған қызметкерлер бойынша 46 папка.
Баға ұсыныстарын сұрату кезінде өңделген (дайын) 1200 (бір мың екі жүз) істі құрайды.
Шарт бойынша көрсетілетін қызметтердің жалпы құны көрсетілген қызметтер актісі бойынша берілген өңделген (дайын) істердің нақты санына байланысты қосымша келісіммен түзетілетін болады.
5. Есеп айырысу тәртібі
Көрсетілген қызметтер үшін төлем Орындаушының есеп шотына қолма-қол ақшасыз жүргізіледі.
Төлем шоты ұсынылғаннан кейін 5 жұмыс күні ішінде шарттың жалпы сомасының 30% мөлшерінде аванс төлеу.
Шарттың талаптарына сәйкес көрсетілген қызметтер актісі негізінде түпкілікті есеп айырысу.
6. Қызмет көрсету мерзімі: 2024 жылғы 31 қазанға дейін.
7. Қызмет көрсету орны: Астана қ., Д. Қонаев к-сі, 12/1.
Конкурсқа қатысуға өтінім және коммерциялық ұсыныс беру ағымдағы жылдың 29наурызына дейін info@oq.gov.kz электрондық поштаға жіберу арқылы немесе мына мекенжай бойынша: Астана қаласы, Д.Қонаев көшесі, 12/1 ("Аманат" партиясының ғимараты), "Отандастар қоры" КЕАҚ 3-қабатында Әкімшілік департаментінде қабылданады.
Русский
English
