2024 jyly Qazaqstan Halyqaralyq Araldy qūtqaru qoryna törağalyq etedı

20 Qaras'a, 2023

QR Su resurstary jäne irrigasii ministrı Nūrjan Nūrjıgıtov Şveisariinyñ Qazaqstandağy Tötenşe jäne Ökılettı Elşısı Salman Bal myrzamen jäne su yntymaqtastyğy mäselelerımen ainalysatyn Şveisarii damu jäne yntymaqtastyq agenttıgınıñ Blue Peace Central Asia (BPCA) bağdarlamasynyñ ökılderımen kezdestı.

Nūrjan Nūrjıgıtov 2024 jyldyñ 1 qañtarynan bastap Qazaqstan Halyqaralyq Araldy qūtqaru qoryna törağalyq etetının, sondyqtan elımız Ortalyq Azii memleketterımen, sondai-aq basqa da halyqaralyq ūiymdar men qarjy instituttarymen yntymaqtastyqty arttyruğa daiyn ekenın mälımdedı. Ministr Qazaqstan Memleket basşysynyñ öñırde Ortalyq Aziinyñ barlyq elderınıñ müddelerın eskeretın Halyqaralyq su-energetikalyq konsorsium qūru jönındegı bastamalaryn ıske asyruğa niettı ekenın atap öttı.

Elşı BPCA-nyñ bırınşı kezeñı aiqtaluğa jaqyn ekenın aitty, sondyqtan qazırgı uaqytta bağdarlama ökılderı ekınşı kezeñde qandai bağyttardy qamtu kerektıgın anyqtau üşın Ortalyq Azii elderıne barady. Sonymen qatar, Özbekstanda Qazaqstan, Qyrğyzstan, Täjıkstan, Türıkmenstan jäne Özbekstan qatysatyn gidrogeologiilyq boljau bağdarlamasy ıske qosyluda. Bağdarlama Ortalyq Azii elderı arasyndağy su ağyndary men su şyğynyn baqylauğa mümkındık beredı.

Blue Peace Central Asia ökılderı olardyñ jobasy bırneşe bağytty qamtitynyn atap öttı. Mysaly, Halyqaralyq Araldy qūtqaru qory jäne Düniejüzılık Bank ıske asyryp jatqan Ortalyq Azii üşın su-energetikalyq bağdarlamasy (Cawep) şeñberınde su resurstaryn basqarudyñ öñırlık instituttaryn nyğaitu, sarapşylardy tartu jäne täjıribe almasu, transşekaralyq gidrotehnikalyq qūrylystardy jañğyrtu jäne rekonstruksiilau, sondai-aq ärtürlı kurstar men treningter arqyly kadrlar dairlau jäne olardyñ bılıktılıgın arttyru.

«Kelesı jyly bız Düniejüzılık bankpen bırge jüzege asyryp jatqan Kışı Araldy saqtau jobasynyñ ekınşı kezeñın bastaudy josparlap otyrmyz. Sondyqtan bız Blue Peace-pen bırlesıp Ortalyq Azii elderınıñ su-energetika salasyndağy özara ıs-qimyly mäselelerımen jūmys ıstegımız keledı. Sondai-aq, bız jaña kadrlar dairlauğa jäne su salasynda jūmys ıstep jürgen mamandarynyñ bılıktılıgın arttyruğa müddelımız. Bızdıñ yntymaqtastyğymyz tyğyz ärı jemıstı bolady dep senemın», - dedı QR Su resurstary jäne irrigasii ministrı Nūrjan Nūrjıgıtov.

Foto: Dmitrii Ermakov

2024 жылы Қазақстан Халықаралық Аралды құтқару қорына төрағалық етеді