Aqtöbe oblysy Hromtau qalasyndağy №3 orta mekteptıñ altynşy synyp oquşysy Jomart Azamatūly oilap tapqan qūrylğysynyñ arqasynda Täuke hannyñ portretın söilettı. Önertabystyñ erekşelıgı sonda, ol Täuke han tūsynda Qazaq handyğynda qabyldanğan «Jetı jarğy» zañyn baindaidy, dep habarlady Habar 24.
Oquşy portrettı jasauda türlı qajettı tehnikalyq qūraldar men audiotaspalardy paidalanğan. Jūmysty äzırleuge bır jyl uaqyt ketken. Portret mp3-qūrylğysymen, sensorly öşıru tüimelerımen jäne 12 V quat közımen jabdyqtalğan. Jas önertapqyş aldağy uaqytta özge de aqyn-jazuşylar men tarihi tūlğalardyñ portretterın söiletıp, sol arqyly öskeleñ ūrpaqqa halyq tarihyn keñınen nasihattaudy josparlap otyr.