Jolbarystardy Qazaqstanğa qaitaru jönınde memorandumğa qol qoiyldy

16 S'ilde, 2024

2024 jylğy 15 şıldede Qazaqstan Respublikasynyñ Ekologii jäne tabiği resurstar ministrlıgı men Düniejüzılık tabiğat qory (WWF International) arasynda jolbarysty Qazaqstan Respublikasyna reintroduksiilau bağdarlamasyn ıske asyru jönındegı yntymaqtastyq turaly Memorandumğa qol qoiyldy.

Būl memorandum Ile-Balqaş tabiği rezervatynyñ bioärtürlılıgı men infraqūrylymyn qalpyna keltırude eleulı jetıstıkterge äkelgen tabysty jäne jemıstı yntymaqtastyqtyñ jalğasy bolyp tabylady.

Jolbarystyñ Qazaqstanğa oraluy-būl ekologiilyq mañyzdy joba ğana emes, sonymen qatar tabiği mūrany qalpyna keltıru jönındegı küş-jıgerımızdıñ simvoly. Būl bastama köptegen ūiymdar men sarapşylardyñ jemıstı yntymaqtastyğynyñ arqasynda mümkın boldy.

Ağymdağy jyldyñ 27 mausymynda Niderlandyda QR ETRM orman şaruaşylyğy jäne januarlar düniesı komitetı men «Landgoed Hoenderdaell» haiuanattar bağyndağy «Stichting Leeuw» mysyqtar tūqymdasynyñ jyrtqyştaryna arnalğan arnaiy ortalyqpen yntymaqtastyq turaly kelısımge jäne ekı amur jolbarysyn (erkek pen ūrğaşy) syiğa tartu turaly şartqa qol qoiyldy. «Ile-Balqaş» memlekettık tabiği rezervatyna köşıru ağymdağy jyldyñ küzıne josparlanğan.

Amur men Tūran jolbarysynyñ genetikalyq jaqyndyğy reintroduksii üşın ışkı türlerdı tañdaudy aldyn-ala anyqtady. Jolbarystardyñ barlyq ışkı türlerınıñ ışınde tek amur jäne Tūran ğana nağyz qys jağdaiynda ömır süruge beiımdelgen, sondyqtan Qazaqstanda Amur jolbarystaryn qaita engızu üşın paidalanu jaña ekologiilyq jağdailarğa beiımdelu prosesın jeñıldetetının atap ötken jön.

Memorandum on the return of tigers to Kazakhstan was signed