Qazaqstan joğary bılım men ğylym salasyndağy halyqaralyq yqpaldastyqty keñeitude

Keşe

Qazaqstan Respublikasy Ğylym jäne joğary bılım ministrlıgı joğary bılımnıñ qoljetımdılıgın arttyru, ğylymi äleuettı nyğaitu jäne halyqaralyq ärıptestıktı keñeitu bağytynda jüielı jūmys jürgızude. Būl jūmys joğary oqu oryndary men ğylymi ūiymdarmen bırlesıp jüzege asyryluda.

2019–2026 jyldary 655,7 myñ memlekettık bılım beru granty bölındı. Studentterdıñ stipendiisy 2,5 ese ūlğaidy. 72 125 orynğa arnalğan 281 jaña studenttık jataqhana paidalanuğa berıldı.

Elımızde şeteldık universitetterdıñ 33 filialy jūmys ısteidı. Olarda 144 bılım beru bağdarlamasy boiynşa 12 myñnan astam student bılım aluda. Qazaqstandyq tört joğary oqu orny şetelde filialdaryn aşty. Qazaqstanda jalpy 92 elden kelgen 41 myñğa juyq şeteldık student oqidy.

Qazaqstandyq universitetterdıñ halyqaralyq reitingterdegı orny nyğauda. QS World University Rankings 2027 reitingıne 18 qazaqstandyq joğary oqu orny, QS Asia University Rankings 2027 reitingıne 51 universitet endı. Onyñ ışınde üş universitet Aziinyñ üzdık jüzdıgıne kırdı. Times Higher Education World University Rankings 2027 reitingınde Qazaqstannyñ 10 joğary oqu orny ūsynylğan.

Ğylymğa salynatyn investisii kölemı üş eseden astam östı. Jas ğalymdar sany 6 227-den 14 423-ke deiın artyp, 2,3 ese köbeidı. 813 jas ğalym baspanaly boldy. Jahandyq innovasiilar indeksınde Qazaqstan 2026 jyly segız satyğa köterılıp, 139 ekonomikanyñ arasynda 73-orynğa ie boldy.

Ğylymi nätijelerdı öndırıske engızu bağytyndağy jūmys keñeude. Satbayev University tehnologiisy boiynşa alynğan tazalyğy 99,5% selen eksportqa şyğaryluda. Jetısu universitetınde jylyna bidaidyñ alty ūrpağyna deiın ösıruge mümkındık beretın tehnologii qoldanyluda. Almatydağy Idrolyq fizika institutynda Ortalyq Aziidağy alğaşqy SMR-300 şağyn moduldık reaktorynyñ simulitory ıske qosyldy.

AI-Sana bağdarlamasy aisynda 706 myñ sertifikat alynyp, jasandy intellekt negızınde 515 şeşım äzırlendı. Būl bastamalar bılım, ğylym jäne öndırıs arasyndağy bailanysty nyğaituğa, bäsekege qabılettı mamandar dairlauğa jäne ğylymi äzırlemelerdı praktikalyq qoldanysqa engızuge bağyttalğan.

Kazakhstan Expands International Integration in Higher Education and Science