Qazaqstan sportşylary jyl basynan berı 341 medal jeñıp aldy

Keşe

2026 jyldyñ basynan berı qazaqstandyq sportşylar halyqaralyq jarystarda joğary nätijelerge qol jetkızıp keledı. Atap aitqanda, otandastarymyz älem chempionattarynda 43, Azii chempionattarynda 48 ret jeñıs tūğyrynyñ eñ biık satysyna köterıldı. Jalpy el sportşylary 341 medal ielendı. Onyñ 103-ı – altyn, 106-sy – kümıs, 132-sı – qola. Būl turaly Ortalyq kommunikasiilar qyzmetınde ötken brifingte Turizm jäne sport ministrı Erbol Myrzabosynov mälımdedı.

Biylğy aituly jetıstıkterdıñ bırı retınde Qazaqstannyñ sapymen semserlesuden erler qūramasynyñ tarihi jeñısın atap ötuge bolady. Ūlttyq qūrama alğaş ret älem chempiony atanyp, älemdık reitingte bırınşı orynğa köterıldı. Sondai-aq Azii chempionaty men Azii oiyndarynda da top jardy.

Tennisşı Elena Rybakina da el sportynyñ mereiın üstem ettı. Ol 2026 jyly älemnıñ bırınşı raketkasy atanyp, «Ülken dulyğa» sanatyndağy ekı turnirde jeñıske jettı.

Japoniinyñ Nagoi qalasynda ötken XX jazğy Azii oiyndarynda qazaqstandyq sportşylar 84 medal jeñıp aldy. Onyñ 12-sı – altyn, 24-ı – kümıs, 48-ı – qola. Nätijesınde Qazaqstan 46 eldıñ arasynda jalpykomandalyq esepte 8-orynğa ie boldy.

Al V jazğy Para Azii oiyndarynda ūlttyq qūrama 50 medal ielendı. Onyñ 12-sı – altyn, 16-sy – kümıs, 22-sı – qola. Osylaişa Qazaqstan jalpykomandalyq esepte 9-orynğa tūraqtady.

Būl jetıstıkter qazaqstandyq sportşylardyñ halyqaralyq deñgeidegı bäsekege qabılettılıgın jäne elımızdıñ älemdık sporttağy äleuetın aiqyn körsetedı.

Kazakhstani Athletes Win 341 Medals Since the Beginning of the Year