Bakudegı Äzerbaijan ūlttyq tarih muzeiınde Türkıstannyñ tarihi-mädeni mūrasy men Qoja Ahmet Isauidıñ ruhani mūrasyna arnalğan «Kögıldır kümbez qūpiisy» halyqaralyq körmesı aşyldy. Körmenı Qazaqstannyñ «Äzıret Sūltan» ūlttyq tarihi-mädeni muzei-qoryğy äzırledı.
Joba Qazaqstan Respublikasynyñ Prezidentı Qasym-Jomart Toqaevtyñ Qoja Ahmet Isaui mūrasyn zertteu, saqtau jäne halyqaralyq deñgeide keñınen tanytu jönındegı tapsyrmalary aisynda ūiymdastyryldy. Körme Qazaqstan Respublikasy Mädeniet jäne aqparat ministrlıgınıñ, Äzerbaijan Respublikasy Mädeniet ministrlıgınıñ jäne Türkı mädenietı men mūrasy qorynyñ qoldauymen aşyldy.
Körmege XII ğasyrdan jetken tüpnūsqa terrakota taqtaşalary, XIV ğasyrdağy jyltyrağan qaptama ülgılerı, maiolika men mozaika ülgılerı qoiyldy. Sondai-aq Qoja Ahmet Isaui kesenesındegı kufi jazulary men arab kalligrafiisy beinelengen fotomaterialdar ūsynyldy. Kesenenıñ säuletı men ondağy köne jazularğa da airyqşa män berılgen.
Körmenıñ negızgı bölıgın Qoja Ahmet Isaui kesenesınıñ ekı maketı qūraidy. Onyñ bırı keşennıñ ışkı qūrylymy men negızgı bölmelerınıñ ornalasuyn körsetse, ekınşısı kesenenıñ tūtas säulettık kelbetın beineleidı.
Arnaiy bölım Qoja Ahmet Isauidıñ ruhani jäne ziitkerlık mūrasyna arnalğan. Mūnda qoljazbalar men tarihi derekter, şejırelık «Nasabnama», sondai-aq Isaui ılımınıñ türkı halyqtarynyñ ruhani dästürıne mañyzyn tanytatyn ızbasarlarynyñ eñbekterı qoiylğan.
Is-şara aisynda «Äzıret Sūltan» ūlttyq tarihi-mädeni muzei-qoryğy men Äzerbaijan ūlttyq tarih muzeiı yntymaqtastyq turaly memorandumğa qol qoidy. Qūjat mädeni mūrany saqtau, zertteu, mamandar almasu, ortaq ğylymi jäne mädeni jobalardy qolğa alu bağytyndağy ärıptestıktı qamtidy.
Halyqaralyq körme Qazaqstan men Äzerbaijan muzeilerı arasyndağy bailanysty keñeitıp, Türkıstannyñ tarihi-mädeni mūrasyn älemge keñınen tanytuğa bağyttaldy.
QR Mädeniet jäne aqparat ministrlıgınıñ baspasöz qyzmetı