Qazaqstan Respublikasynyñ Prezidentı Qasym-Jomart Toqaevtyñ tapsyrmasymen Mädeniet jäne aqparat ministrı Arman Qyryqbaev Tedjon qalasyndağy memorialdyq keşenge baryp, sonda jerlengen körnektı korei qolbasşysy, general Hon Bom Donyñ ruhyna tağzym ettı.
Aita keteiık, ministr Korei Respublikasyna memlekettık saparmen barğan Memleket basşysy bastağan resmi delegasii qūramynda.
Keşende qūrmet qarauylynyñ qatysuymen arnaiy räsım öttı. Arman Qyryqbaev el täuelsızdıgı jolynda küresıp, Otanyn qorğauğa ğūmyryn arnağan jandarğa qūrmet bıldırıp, memorialğa gül şoğyn qoidy. Sondai-aq general Hon Bom Donyñ ruhyna tağzym ettı.
Tedjondağy būl memorialdyq keşen Korei Respublikasyndağy asa mañyzdy tağzym oryndarynyñ bırı sanalady. Mūnda elge airyqşa eñbek sıñırgen 150 myñğa juyq adam mäñgılık tynys tapqan. General Hon Bom Donyñ esımı Qazaqstan men Koreiny bailanystyratyn ortaq tarihta airyqşa oryn alady. Ol ömırınıñ soñğy jyldaryn Qazaqstanda ötkızıp, Qyzylordada jerlengen edı. 2021 jyly Qazaqstannyñ qoldauymen onyñ süiegı atamekenıne jetkızılıp, Tedjonda qaita jerlendı.
Biyl general Hon Bom Donyñ süiegı Qyzylordadan Korei Respublikasyna jetkızılgenıne bes jyl tolady. Onyñ tağdyr joly ekı halyqty özara jaqyndastyrğan ortaq tarihtyñ tağylymdy bır belesıne ainaldy.
Sapar soñynda Arman Qyryqbaev qūrmettı qonaqtar kıtabyna estelık jazba qaldyrdy. Memorialdyq keşendegı būl räsım ekı eldıñ tarihi mūrasyna degen qūrmettı aiğaqtap, Qazaqstan men Korei arasyndağy bailanysty odan ärı nyğaitudyñ mañyzyn körsettı.
QR Mädeniet jäne aqparat ministrlıgınıñ baspasöz qyzmetı