Qazaqstan 50-in-5 jahandyq bastamasyna qosyldy

25 May'sym, 2025

Qazaqstan «50-in-5» jahandyq bastamasyna qosyldy. Būl bastama elderdıñ küşın bırıktıre otyryp, sifrlyq qoğamdyq infraqūrylymnyñ (DPI) negızgı elementterın jedel engızudı maqsat etedı. Būl tehnologiilar zamanaui, yñğaily, proaktivtı memlekettık qyzmetterdı damytuğa negız bolyp, azamattardyñ ömır süru sapasyn arttyruğa jäne sifrlyq ekonomikany ılgerıletuge yqpal etedı.

Sifrlyq qoğamdyq infraqūrylym – būl sifrlyq tölemder, säikestendıru jäne derekter almasu jüielerınıñ qauıpsız ärı özara ärekettese alatyn jiyntyğy. Sifrlyq däuırde būl jüieler ekonomika men äleumettık ömırge tolyqqandy qatysudyñ basty alğyşartyna ainaldy. DPI barlyq memleketterdıñ ornyqty ärı innovasiilyq ekonomika qūryp, azamattardyñ äl-auqatyn qamtamasyz etuı üşın qajet.

«50-in-5» bastamasynyñ negızgı maqsaty – 2028 jylğa deiın 50 el kem degende bır DPI elementın engızuı. Būl täjıribe almasu jäne aşyq sifrlyq önımderdı qoldana otyryp, bırlesken şeşımder äzırleu şyğyndardy azaityp, transformasiiny jedeldetuge mümkındık beretınıne negızdelgen.

«Qazaqstandağy sifrlyq transformasiinyñ basty özegı – adam. Bız üşın tehnologii – jai ğana tehnologii emes, ol azamattardyñ ömırın jaqsartuğa bağyttalğan qūral. Osy maqsatta bız är qadamymyzdy halyq igılıgı üşın jasai otyryp, aşyq, tüsınıktı jäne tiımdı sifrlyq memleket qūryp jatyrmyz. Sifrlyq şeşımder qaşyqtyqty qysqartady, osy arqyly adamdar qaida tūrsa da, bız olarğa jaqynyraq bola alamyz. «50-in-5» bastamasyna qosylu – adamğa bağyttalğan sifrlyq transformasiimyzdy üdetıp, şyğyndardy azaituğa mümkındık beretın mañyzdy qadam», – dedı QR Sifrlyq damu, innovasiilar jäne aeroğaryş önerkäsıbı ministrı Jaslan Mädiev.

Qazaqstanda sifrlyq qoğamdyq infraqūrylymnyñ negızgı elementterı tabysty engızılıp, bükıl el aumağynda keñeitılude. Sifrlyq säikestendıru jüiesınıñ (Digital ID) negızgı bölıgı – eGov Mobile mobildı qosymşasy. Būl – resmi elektrondyq ükımettıñ supermobildı qosymşasy, ol qauıpsız avtorizasii, qaşyqtan jeke basyn rastau jäne memlekettık qyzmetterdıñ keñ auqymyna qol jetkızu mümkındıgın qamtamasyz etedı.

Bügınde eGov Mobile qosymşasyn 10,9 millionnan astam qazaqstandyq paidalanady, onyñ ışınde ai saiynğy belsendı auditorii 5,3 million adamdy qūraidy, al täulıgıne orta eseppen 354 myñ paidalanuşy qosymşağa kıredı. «Qyzmetter» bölımınde 200 türlı servis qoljetımdı, al eGov Mobile arqyly körsetılgen memlekettık qyzmetterdıñ jalpy sany 82 millionnan asty.

Paidalanuşylardyñ erekşe qyzyğuşylyğyn «Sifrlyq qūjattar» bölımı tudyrady. Onda jeke kuälıkten bastap jürgızuşı kuälıgıne deiın 38 türlı elektrondyq qūjat qoljetımdı. Būl funksii ıske qosylğannan berı qūjattardy 25,7 millionnan astam ret qoldanğan.

Qazaqstandağy memlekettık jüieler arasynda derekter almasu üşın Smart Data Ukimet aqparattyq-taldamalyq platformasy jūmys ısteidı. Oğan 124 memlekettık organnyñ aqparattyq jüiesı bırıktırılgen. Būl integrasii azamattardyñ ömırlık jağdailaryna avtomatty türde jauap retınde proaktivtı memlekettık qyzmetterdı äzırleuge mümkındık beredı.

Bügıngı tañda äleumettık bağyttağy 45 proaktivtı memlekettık qyzmet äzırlengen. Olar azamattarğa, äsırese ömırlık qiyn jağdaiğa tap bolğan adamdarğa bağyttalğan atauly kömek körsetuge arnalğan. Osyndai qyzmetter 4,3 millionnan astam ret körsetıldı. Smart Data Ukimet, Elektrondyq ükımet şluzı jäne Smart Bridge bırıgıp, ūlttyq derekter almasu jüiesınıñ negızın qūraidy.

«50-in-5» – būl sifrlyq qoğamdyq infraqūrylymdy engızu arqyly sifrlyq kün tärtıbın jedeldetuge bağyttalğan elder bastamasy. Būl bastama Bill jäne Melinda Geits qory, Sifrlyq qoğamdyq infraqūrylym ortalyğy, Co-Develop ūiymy, Sifrlyq qoğamdyq igılıkter alinsy jäne BŪŪ Damu bağdarlamasymen (PROON) bırlesıp jüzege asyrylady. Būdan bölek, bastamağa GovStack, Amerikaaralyq damu bankı, UNİSEF jäne BŪŪ-Äielder ūiymy qoldau körsetedı.

«50-in-5» bastamasy aisynda elder sifrlyq köşbasşylarmen täjıribe almasyp, halyqaralyq üzdık täjıribelerdı zerdelep, tehnikalyq jäne ädıstemelık qoldau ala alady. Qazaqstan üşın būl bastamağa qatysu – ūlttyq sifrlyq äleuettı nyğaityp, ärbır azamattyñ müddesıne jūmys ısteitın ornyqty sifrlyq infraqūrylymdy damytuğa bağyttalğan mañyzdy qadam.

Kazakhstan joins the '50-in-5' campaign