KATEAD qauymdastyğy men «Otandastar» qory arasynda 2019 jylğy 21 mamyrda qol qoiylğan hattama negızınde aşylğan būl kurs onlain rejımde ötedı ärı tegın bolady.
«Kursqa qajettı jabdyqtar 2019 jyldyñ 10 jeltoqsanynda Qazaqstannan jöneltıldı. Qazaq tılı kursy Ystanbūldyñ ekı aimağynda ūiymdastyrylady: bırınşısı Zeitinburn audanynda, al ekınşısı Bağdjylar audanynda. Būl ekı jer Türkii qazaqtarynyñ köp qonystanuyna bailanysty tañdaldy. Bağdjylar audanynda kurs qazaqtar negızın qalağan Qoja Ahmet Isaui bılım jäne aimaqtyq qorynyñ ğimaratynda ötedı. Būl üşın KATEAD qauymdastyğy men Qoja Ahmet Isaui qory arasynda 3 jyl merzımge arnalğan hattamağa qol qoiylyp, Qazaqstannan jetkızılgen därısterge arnalğan jabdyqtar sol jerge de aparyldy», - deidı KATEAD törağasy Ertolqyn Gairetullah.
Sabaq Microsoft Teams bağdarlamasy arqyly tıkelei efirde jürgızıledı. Oqu bağdarlamasy oqu, tyñdau jäne söileu dağdylaryn jetıldıruge arnalğan şyğarmaşylyq tapsyrmalary bar 45 interaktivtı sabaqtan tūrady. Sabaq nätijesı boiynşa mektep jasyndağy oquşylar Qazaqstan Respublikasyndağy jazğy lagerlerge de jıberıledı.
«Būl şara Türkiida tūratyn qazaqtardyñ atajūrtpen bailanysyn nyğaitary sözsız. Ärı osynda tuyp-ösken, qazaq tılın jetık meñgergısı keletın qandastarymyz üşın de ülken mümkındık. Bız «Otandastar qorynyñ» törağasy Nūrtai Äbıqaev myrzağa, Düniejüzı qazaqtary qauymdastyğynyñ bırınşı orynbasary Zauytbek Tūrysbekov myrzağa jäne osy mümkındıktı tudyrğan barlyq azamattarğa alğysymyzdy bıldıremız. Bız, qauymdastyq retınde, qazaq mädenietı men tılı üşın qarqyndy jūmys ısteudı jalğastyra otyryp, osyndai ıs-şaralardyñ nätijesınde qazaq mädenietı men tılın saqtap qala alamyz dep senemız», - deidı KATEAD törağasy Ertolqyn Gairetullah.
Būl turaly "EGEMEN QAZAQSTAN" aqparattyq portalynda da jariilandy.