RESPUBLİKA KÜNI MEREKESINE ORAİ İRANDAĞY QANDASTARMEN QAUYŞU

25 Qazan, 2022

«Otandastar Qory» KeAQ ökılı 21-24 qazanda İran elındegı etnikalyq qazaqtar qalyñ şoğyrlanğan Gülstan provinsiisyndağy Gorgan, Gonbad, Bender-Türkmen qalalaryna ıssaparmen bardy.

Alystağy ağaiyndy añsap, atajūrttyñ saumal sağynyşyn ala barğan sapardyñ alğaşqy künı Gorgan mañyndağy Gonbad-Kavus qalasynda tūratyn qandastarmen qauyşudan bastaldy. Provinsii ortalyğyndağy qazaq meşıtterınde de kezdesuler öttı. Basqosu barysynda Qoğam Prezidentınıñ keñesşısı Qalybek Qoblandin «Otandastar qorynyñ» maqsat-mındetterı men basym bağyttary, atqarylğan jūmystar men aldağy ıs-jospary, sonymen qatar Jaña Qazaqstandağy jañaşyl qadamdar men tyñ  reformalar, aldağy Prezident sailauy turaly aqparattar aitylyp, köşı-qon jäne viza mäselelerı jönınde köptıñ kökeiındegı sūraqtarğa jauap berdı.   

Kezdesu aisynda «Otandastar qory» atynan Abai mädeni-ädebi ortalyğyna qazaqtyñ qasiettı saz aspaby - 5 dombyra jäne 10 danadan astam ūlttyq kiımder tabys etıldı.     

Bas konsul Erbol Ahmetov jergılıktı qazaq tılınıñ mūğalımı Qazaq Asqarğa, jurnalist Şadkam Japarbaiğa ūlttyq qūndylyqtardy ūlyqtau, ana tılın ūmytpau bağytynda atqarğan eleulı eñbekterı üşın riisyz rizalyq bıldırıp, alystağy ağaiyn men atajūrt arasyna arqau bolğan «Otandastar qoryna» jäne onyñ basşysy Abzal Saparbekūlyna arnaiy alğys aitty. Quana qauyşqan qandastar qauymyn tarihi Otanyndağy bıregei meiram - Respublika künımen qūttyqtady. Kelelı keñes qūrğan kezdesu soñy äsem änge ūlasyp, dombyraşy Maqsa Begderqyzy äuelete än şyrqady, şalqyta küi tartty.   

Sonymen qatar İran İslam Respublikasy Syrtqy ıster ministrlıgınıñ Gorgandağy ökılı Z.Amirşahimen jäne Gülstan aimağy basşysynyñ orynbasary F.Samiimen kezdesu öttı. Äñgıme barysynda taraptar ekı el arasyndağy mädeni-ruhani bailanystardyñ mañyzdylyğyna toqtaldy.   
İran bilık ökılderı jalpy, İrandağy qazaqtardyñ yntymağy jarasqan, auyzbırşılıgı bekem, sözge berık, özındık ūlttyq erekşelıgı mol, bıregei halyq ekenıne erekşe nazar audaryp, qazaq mädeni ortalyğynyñ aşyluyna qoldau körsetetınderın jetkızdı. «Barmasañ, kelmeseñ, jat bolasyñ» degen qazaqy qağidağa sai şettegı qandastarmen qauyşyp, alystağy ağaiynnyñ amandyğyn oilağan «Otandastar Qory» osylaişa iman ūiyğan İran men jañğyrğan Jaña Qazaqstannyñ arasyn jaqyndatyp qaitty.

MEETING WITH THE KANDAS IN IRAN IN HONOR OF REPUBLIC DAY