Astrahan oblysynda ekı onlain qazaq tılı synyby aşyldy

04 Jeltoqsan, 2020

«Otandastar» qory Resei Federasiisy Astrahan oblysynyñ ekı audanynda qazaq tılın oqytatyn synyptardyñ aşyluyna qoldau körsettı. Bügınde tehnikalyq türde jūmys ıstep jatqan synyptardyñ resmi aşyluy täuelsızdık künıne orai Bas Konsuldyñ qatysuymen ötedı.

«Nikita Ysqaqov atyndağy Semibugoren orta mektebı» munisipaldy qazynalyq jalpy bılım beru mekemesı qazaq tılıne arnap jeke kabinet böldı. Ol kabinette qazaqtyñ ūlttyq mädenietı, önerı, ädebietı, tūrmystyq būiymdarymen tanysuğa bolady. Mektep direktory Rimma İbragimova qandastarğa qamqorlyğy üşın Qor men Düniejüzı qazaqtarynyñ qauymdastyğyna alğys aitty.

Ekınşı onlain-synyp Volodar audany Kalinin auylynda aşylady. Akademik Erejep Mämbetqaziev atyndağy Kalinin orta mektebınıñ direktory Arman Nūrlievtyñ aituynşa qazaq tılı kabinetı Qor syilağan eñ zamanaui jabdyqtarmen jabdyqtalady.

Astrahan oblysynda resmi derek boiynşa ömır süretın 160 myñ etnikalyq qazaqtyñ basym bölıgı auyldyq jerlerde tūrady. Mäselen, Kalinin auyly tūrğyndarynyñ 99,9 paiyzy qazaq. Olar ūlttyq salt-dästürdı saqtau üşın barlyq mümkındıktı paidalanuda. Qordyñ atalğan auyl mektebınde qazaq tılı kabinetın aşuy şet eldegı qandastarymyzdy tarihi otanymen būrynğydan da jaqyndastyrady.

Būl turaly "EGEMEN QAZAQSTAN" aqparattyq portalynda da jariilandy.

Two Online Kazakh Language Classes have opened in the Astrakhan region