Elordada «Nazarbaev ziitkerlık mektepterı» bazasynda şeteldegı qazaq diasporasy balalaryna arnalğan tūğyş retkı «Ūly dala ūrpağy» jazğy mektebı aşyldy. 10-24 şılde aralyğyndağy ekı aptalyq jazğy mektepte balalar ana tılın men qazaqtyñ tarihy oqyp, salt-dästürınnen üirenedı.
"Otandastar" qory men Düniejüzı qazaq qauymdastyğynyñ qoldauynda aşylğan lagerde Resei, İran, Moñğolii, Türıkmenstan, Täjıkstan, Özbekstan jäne Qyrğyzstan siiqty elderden kelgen 150 oquşy kelgen. Mekteptıñ aşylu saltanatyna Bılım jäne ğylym ministrı Asxat Aimağambetov qatysyp, jetkınşekterge jyly lebızın bıldırdı.
"Şet elderde jürgen bauyrlarymyz – bızdıñ bağa jetpes bai qazynamyz! «Ūly dala ūrpağy» jazğy mektebın ūiymdastyruymyzdağy negızgı maqsatymyz da jastardyñ tüp qazyğyn tanyp, tamyryn ata-jūrtynda jauyna üles qosu. Säikesınşe jazğy mekteptıñ jūmysy qandastarymyzdyñ tarihi Otanymen bailanystaryn nyğaityp, xalqymyzdyñ salt-dästürın tanyp, ana tılın, el tarihyn zerdeleuge jağdai jasauğa bağyttalğan. Bauyrlarymyzdy atajūrttyñ bügıngı kelbetımen tanysyp, tuğan jerge degen sağynyş sezımderın bassyn degen ümıtpen jinap otyrmyz. Älemnıñ 7 elınen kelgen qandastarymyz üşın aşylğan jazğy mektep joba qatysuşylarynyñ köñılderınen şyğady degen ümıttemız", - dedı Bılım jäne ğylym ministrı.
Düniejüzı qazaqtary qauymdastyğy törağasynyñ bırınşı orynbasary Zauytbek Tūrysbekov aldağy uaqytta mūndai şaralarğa keletın balar sany artatynyn aitty.
«Älemde 16 mln-ğa juyq qazaq ömır sürse, onyñ üşten bırı şet elderde tūrady. Özım köptegen elderge baryp, şettegı qazaqtardyñ öz mädenietın, salt-dästürın, tamyryn bılmeitının baiqadym. Ärine, olardyñ kınäsı joq, sebebı özge tılde bılım alady. Bızdıñ basty mındetımız - älem boiynşa ūltymyzdy saqtau. Sondyqtan, balalarğa jazğy mektep ūiymdastyrudy bastadyq. Aldağy uaqytta balalar sanyn 4 myñğa deiın köbeitkımız keledı», - dedı Zauytbek Tūrysbekov.
Balalar elordanyñ basty turistık nysandary - EKSPO ortalyğyn, Bäiterektı, Tūñğyş Prezident kıtaphanasyn, Äzıret Sūltan meşıtın, Beibıtşılık jänen kelısım saraiyn aralaidy. Sonymen bırge, «Burabai» memlekettık ūlttyq parkıne, «Aljir» muzeilık-memorialdyq keşenıne, aşyq aspan astyndağy «Bozoq» arheologiilyq-etnografiilyq muzeiıne, «Rodina» agrofirmasy men «Aqqaiyñ» tälımbağyna baru josparlanğan. Ūlttyq muzeide «Ūly dalanyñ jetı qyry» taqyrybynda tarih sabağy ötedı. «Qazaqstan Ğaryş Saparynda» balalar Baiqoñyr ğaryş ailağynyñ tarihymen tanysady. Nazarbaev universitetıne, L. N. Gumilev atyndağy EŪU men S. Seifullin atyndağy agrarlyq universitetke barady.
«Būl bızdıñ «Otandastar qory» jäne Düniejüzı qazaqtary qauymdastyğymen bırlesıp qolğa alğan tūñğyş jobamyz. Şeteldegı qazaq balalaryna qazaq tılın, Qazaqstannyñ tarihyn oqytuğa akademiilyq qoldau körsetıp qana qoimai salt-dästürlerımızdı körsetetın, ūlttyq qolönerımızben tanystyratyn üiırmeler ūiymdastyryp otyrmyz. Eñ bastysy täuelsızdık alğannan bergı elımızdıñ jetıstıgın, elordamyz Nūr-Sūltan qalasynyñ damuyn jäne qūlaşyn keñge jaiğan Qazaqstandağy bılım beru salasynyñ mümkındıkterın körsetudı maqsat tūttyq. Nazarbaev ziitkerlık mektepterınde tärbie jüiesıne arnalğan konsepsii bar. Sonyñ negızınde ūlttyq qūndylyqtarymyzğa bağyttalğan üiırmeler jūmys ısteidı. Būl joly şetelden kelgen 150 bala men öz mektebımızdıñ 50 oquşysy ūlttyq aspaptar, ūlttyq qolöner/Art-dizain, robototehnika, aeroğaryş, drama siiqty köptegen üiırmelerge qatysady. Bağdarlamağa qazaqtyñ «100 küiı», «100 änı» boiynşa än men küidıñ tarihy da engızıldı. Būdan bölek himii, biologii, matematika, fizikany bırıktırıp oqytatyn STEM bağdarlamasy boiynşa keñeitılgen zerthanalyq jūmystarğa da qatysady. Balalar el astanasyndağy barlyq mädeni, tarihi nysandarmen tanysatyn bolady. Sondai-aq olardy «Burabai» memlekettık ūlttyq tabiği saibağyna, «Botai-Burabai» aspan asty mūrajaiyna jäne «ALJİR» memorialdy-mūrajai keşenıne aparamyz. Üiırmeler tek qazaq tılınde jüredı. Sondyqtan parsy jäne orys tılınıñ audarmaşylaryn da aldyq. Tıptı bes uaqyt berıletın tamaqtarğa da ūlttyq tağamdar türın tañdadyq», deidı Nazarbaev ziitkerlık mektepterın damytu departamentınıñ direktory Jūldyz Süleimenova.